Institucionet reaguan menjëherë pasi u publikua fotografia që tregonte se në tabelën zyrtare të mirëseardhjes në pikën kufitare mungonte gjuha shqipe, duke e korrigjuar situatën.
Të lidhura
None found
Përmes një videoje të publikuar në rrjetet sociale, zëvendësdrejtori i Drejtorisë së Doganave, Mustafa Dauti, konfirmoi se mbishkrimi në shqip ishte vendosur sërish, së bashku me mesazhin: “Mirë se vini!”
Ndërhyrja paraqitet si tregues i angazhimit të kuadrove të VLEN-it për garantimin dhe zbatimin konkret të të drejtave të shqiptarëve.
Ndryshe nga më parë, kur problematika të tilla mbeteshin pa u evidentuar, sot institucionet ndërhyjnë në kohë dhe i ndreqin ato menjëherë.
Vendosja e sërishme e shqipes në tabelën e mirëseardhjes vlerësohet si një tjetër dëshmi se institucionet e drejtuara nga kuadrot e VLEN-it veprojnë me përgjegjësi dhe vendosmëri në mbrojtje të barazisë dhe dinjitetit të çdo qytetari.
