Lidhja Shqiptare ka shprehur reagim pas ndryshimit të emrave të rrugëve në Tetovë.
Këshilltari i LSH-së, Arlind Murtezani, deklaroi në “A2CNN” se në Tetovën me 90% shqiptarë janë rikthyer emra jugosllavë dhe komunistë, të cilët, sipas tij, nuk i përdor më as Serbia.
Të lidhura
None found
Nga kjo parti vlerësojnë se vendimi i Gjykatës Kushtetuese është pjesë e një serie vendimesh skandaloze të kësaj gjykate, duke përmendur si shembuj shfuqizimin e Ligjit të Balancuesit dhe tentimin për abrogimin e Ligjit për Përdorimin e Gjuhëve.
Sipas LSH-së, kjo situatë është pasojë e bashkëpunimit mes Gjykatës Kushtetuese dhe qeverisë aktuale, duke theksuar se të gjitha këto çështje kanë qenë të promovuara në platformën e OBRM-PDUKM-së me moton: “Maqedonia përsëri e jotja.”
Nga LSH thonë se vendime të tilla nuk ndihmojnë në forcimin e shtetit të së drejtës dhe as në ndërtimin e besimit ndëretnik, por, përkundrazi, thellojnë ndasitë dhe dëmtojnë parimin e barazisë ndërmjet qytetarëve.
