Gjatë vizitës së tij në Spitalin Klinik të Tetovës, ministri i Shëndetësisë Sasho Klekovski njoftoi se ka përfunduar punësimi i 1500 punonjësve të personelit mjekësor, të cilët deri tani kanë punuar me kontratë.
Të lidhura
None found
Sipas tij, ky hap përmbyll një proces të shumëpritur nga mjekët e rinj.
“Me këtë hap e kemi përfunduar një proces që mjekët e rinj gjatë e kanë pritur. 1500 punonjës me kontratë që kanë qenë në gjithë vendin. Për dy muaj do të fillojë procesi i punësimit të 600 specialistëve, prej të cilëve 22 do të punojnë në Spitalin e Tetovës”, tha Klekovski.
Ministri u ndal edhe te investimi i planifikuar për Spitalin e Tetovës, duke e cilësuar atë si një projekt të madh ku do të marrin pjesë Banka Botërore dhe Komuna e Tetovës./Telegrafi/
