Një rast i pazakontë është regjistruar në lagjen Karposh të Shkupit, ku një automjet ka qëndruar i parkuar në rrugë edhe gjatë zhvillimit të punimeve për asfaltim.
Të lidhura
None found
Megjithëse ekipet kishin nisur shtrimin e asfaltit, pronari nuk e zhvendosi makinën. Për këtë arsye, punëtorët u detyruan ta asfaltonin rrugën rreth automjetit, duke lënë të pambuluar me asfalt hapësirën poshtë tij.
Fotot dhe pamjet nga kjo situatë u shpërndanë gjerësisht në rrjetet sociale, ndërsa qytetarët kanë shprehur habinë e tyre për faktin që makina ndodhej ende në mes të rrugës gjatë punimeve.
