Një fotografi e realizuar gjatë takimit ministror të Procesit të Berlinit në Cetinje të Malit të Zi ka tërhequr vëmendjen për përbërjen e veçantë të pjesëmarrësve.
Të lidhura
None found
Mes personave të pranishëm në foto janë Besar Durmishi, ministër i Ekonomisë dhe Punës i Maqedonisë së Veriut, Mimoza Kusari-Lila, ministre e Industrisë, Ndërmarrësisë, Tregtisë dhe Inovacionit e Kosovës, Nik Gjeloshaj, ministër i Zhvillimit Ekonomik i Malit të Zi, si dhe Delina Ibrahimaj, ministre e Ekonomisë dhe Inovacionit e Shqipërisë.
Kështu, në të njëjtin imazh u shfaqën katër përfaqësues shqiptarë që vijnë nga katër vende të ndryshme të rajonit.
Ndërkohë, raportimet bëjnë të ditur se Adrijana Mesaroviç, ministre serbe e Ekonomisë, nuk ishte pjesë e fotografisë së përbashkët të ministrave të Ballkanit Perëndimor.
Imazhi i shkrepur në Cetinje është interpretuar si një moment simbolik që pasqyron praninë e përfaqësuesve shqiptarë në diskutimet rajonale për bashkëpunimin ekonomik dhe në kuadër të Procesit të Berlinit. (INA)
