Flakët përfshijnë parkun pyjor “Gazi Babë”

Një vatër zjarri ka rënë në parkun pyjor “Gazi Babë”, i cili gjendet mes zonave të banuara Hekurudha dhe Autokomandë.

Alarmin e kanë dhënë vetë qytetarët e lagjes Hekurudha, të cilët kanë shpërndarë në rrjete sociale pamje nga pylli, ku dallohej qartë një shtëllungë e dendur tymi.

Menjëherë në terren kanë mbërritur forcat e Brigadës së Zjarrfikësve të Shkupit për të vënë nën kontroll situatën.

Ende nuk ka të dhëna zyrtare mbi shkaqet që sollën ndezjen e flakëve.