Ndërsa hetimet për aksidentin fatal që u mori jetën tre shtetasve nga Kosova në Maqedoninë e Veriut vijojnë, në qarqet publike po qarkullon një version i ri që autoritetet po e shqyrtojnë me kujdes.
Dyshimi kryesor ka të bëjë me mundësinë që makina me të cilën lëviznin viktimat të jetë përcjellë nga një automjet tjetër pak çaste para tragjedisë. Deri tani, zyrtarët nuk kanë dhënë asnjë konfirmim për këtë të dhënë dhe nuk kanë prezantuar një përfundim përfundimtar për shkaqet e ngjarjes.
Të lidhura
None found
Tre qytetarët kosovarë u zbuluan të pajetë në brendësi të veturës së tyre të rrokullisur buzë rrugës, në afërsi të pikës kufitare të Bllacës, pas një denoncimi nga të afërmit që kishin sinjalizuar humbjen e kontaktit me ta. Me fillimin e operacionit të gjerë të kërkimit, forcat e rendit verifikuan pamjet e kamerave të sigurisë dhe krehën zonën si nga toka ashtu edhe nga ajri, derisa gjetën mjetin e dëmtuar.
Në publikime mediatike dhe debate televizive është përfolur gjithashtu se linja e re e hetimit përfshin analizimin e lëvizjeve të dyshimta ose të një makine tjetër që ndoqi viktimat përpara momentit të aksidentit.
Megjithatë, në këtë fazë hetimore, as Policia dhe as Prokuroria nuk kanë dalë me një deklaratë zyrtare që të vërtetojë pistën e ndjekjes. Institucionet janë ende duke sekuestruar prova dhe duke verifikuar çdo rrethanë për të hedhur dritë të plotë mbi rastin.
Ndërkohë, pritet që ditët në vijim të sjellin informacione të reja nga strukturat kompetente, meqë hetimi mbetet i hapur dhe në ecuri./Klankosovatv
