Ministri i Punëve të Brendshme, Pançe Toshkovski, bëri të ditur se 496 zyrtarë të rinj policorë janë bërë pjesë e Policisë së Maqedonisë së Veriut.
Të lidhura
None found
Ai sqaroi se pjesëtarët e gjeneratës së re e përfunduan përgatitjen profesionale në kushte të përmirësuara në Akademinë Policore. Ndërkohë, nga shtatori pritet të rifillojë aktivitetin edhe Shkolla e Mesme Policore “7 Maji”.
Sipas Toshkovskit, MPB-ja do të vijojë procesin e modernizimit përmes ndërtimit të stacioneve të reja policore, sigurimit të pajisjeve moderne dhe automjeteve të reja, digjitalizimit të shërbimeve, si dhe vendosjes në zbatim të sistemit “Safe City”.
Ministri tha se këto investime synojnë forcimin e sigurisë së qytetarëve, ndërsa policëve të rinj u uroi sukses dhe profesionalizëm gjatë karrierës së tyre.
