Categories: lifestyle

Ndryshimi i orës dhe gjumi: Si ta ndihmoni organizmin të përshtatet me ritmin e ri

Sonte kalojmë në orën dimërore. Në orën 3:00 të mëngjesit, akrepat do të kthehen 60 minuta pas, ndërsa ky orar do të jetë në fuqi deri më 28 mars 2027.

Ky ndryshim u mundëson njerëzve të flenë një orë më gjatë, por organizmit mund t’i nevojitet kohë për t’u mësuar me orarin e ri.

Të lidhura

None found

Pajisjet elektronike e kryejnë automatikisht ndërrimin e orës, ndryshe nga trupi, i cili vijon të ndjekë ritmin e vet biologjik. Si pasojë, disa persona mund të zgjohen më herët ose të përjetojnë përgjumje më të shpejtë në mbrëmje.

Shpjegimi lidhet me ritmin cirkadian, sistemin e brendshëm që përsëritet në cikle afërsisht 24-orëshe dhe që ndikon në gjumin, vigjilencën dhe lodhjen, shkruan The Independent, transmeton Klankosova.tv.

Disa hapa të thjeshtë mund ta bëjnë më të lehtë përshtatjen me këtë ndryshim.

Zbehni ndriçimin para se të flini

Drita e fortë gjatë mbrëmjes mund të frenojë prodhimin e melatoninës, hormonit që e përgatit organizmin për gjumë.

Për këtë arsye, para se të shkoni në shtrat këshillohet përdorimi i një ndriçimi më të butë, si dhe ulja e ndriçimit të telefonit apo pajisjeve të tjera me ekran.

Edhe një dhomë gjumi e mbajtur në errësirë mund të krijojë një mjedis më të përshtatshëm për pushim.

Qëndroni më gjatë në dritën natyrale

Ekspozimi ndaj dritës së ditës përbën një sinjal të rëndësishëm për rregullimin e orës biologjike.

Një shëtitje në ambient të hapur, pushimi i drekës jashtë ose qëndrimi për më shumë kohë në natyrë mund të ndihmojnë në harmonizimin e ritmit cirkadian.

Rëndësi ka edhe momenti kur merret kjo dritë. Drita e mëngjesit zakonisht e orienton orën biologjike drejt një orari më të hershëm, ndërsa ekspozimi në mbrëmje mund ta shtyjë atë më vonë, transmeton Klankosova.tv.

Për ata që zgjohen shumë herët, koha e kaluar jashtë gjatë pasdites mund të jetë e dobishme, në varësi të mënyrës së tyre të gjumit.

Ruani një rutinë të qëndrueshme gjumi

Edhe pse ndërrimi i akrepave sjell mundësinë për një orë më shumë gjumë, një orar i pandryshueshëm i fjetjes dhe zgjimit mbetet i rëndësishëm.

Është mirë që koha e gjumit dhe zgjimit të jetë sa më e rregullt, pa diferenca të mëdha mes ditëve të punës dhe fundjavës.

Nëse në orarin e zakonshëm nuk ndiheni ende të lodhur, mund të merreni me një aktivitet të qetë, nën ndriçim të zbehtë, derisa t’ju vijë gjumi.

Kur është e mundur, drita natyrale në mëngjes dhe koha e mjaftueshme për të pushuar mund të kontribuojnë gjithashtu në ruajtjen e një ritmi të shëndetshëm.

Trupit jo gjithmonë i mjafton një natë për t’u përshtatur. Për këtë arsye, një rutinë e rregullt, kontrolli i ekspozimit ndaj dritës dhe pushimi i mjaftueshëm mund ta lehtësojnë kalimin në orarin dimëror.

të fundit

Gjini publikon të dhënat e BQK-së: Borxhet e familjeve rriten ndjeshëm, si po përballen qytetarët me koston e jetesës?

Kryetari i Aleancës, Ardian Gjini, ka ngritur shqetësimin për rritjen e ndjeshme të kredive të ekonomive familjare në Kosovë dhe…

5 minutes ago

Policia e Kukësit mohon rrëmbimin në pyll: Konflikt fizik, në kërkim xhaxha e nipi që dhunuan të riun dhe i dëmtuan makinën

Drejtoria Vendore e Policisë Kukës ka reaguar pas lajmit të publikuar në rrjetet sociale, ku pretendohej se një i ri…

7 minutes ago

Conte: “Kush ka frikë nga metodat e mia, ka frikë nga fitoret” – kritika të ashpra për Man Utd pas zgjedhjes së Pochettinos

Antonio Conte ka kritikuar Manchester Unitedin pas vendimit të klubit anglez për të emëruar Mauricio Pochettinon si trajner të ri…

8 minutes ago

Aldo Gjini, i përfshirë në grupin e Rrajave, transferohet në regjimin e posaçëm 41 BIS

Aldo Gjini, një prej personave të akuzuar nga SPAK si pjesë e grupit kriminal të Rrajave të Fushë-Krujës, është transferuar…

10 minutes ago

EULEX hedh poshtë pretendimet se policët e tij u kanë drejtuar armët familjarëve të Jakup Krasniqit

Misioni i Bashkimit Evropian për Sundimin e Ligjit në Kosovë (EULEX) reagoi pas raportimit në disa media se pjesëtarët e…

16 minutes ago

Një makinë elektrike regjistroi 868 tentativa parkimi brenda një nate

Një veturë elektrike tentoi të parkohej plot 868 herë gjatë një nate, përpara se të arrinte të ndalej.Ngjarja e pazakontë…

22 minutes ago