Kur është koha që të ndërroni tiganin e vjetër

Në larminë e tenxhereve dhe tiganëve që akumulohen rregullisht në kuzhinë, shqetësimet për cilësinë dhe sigurinë ushqimore, humbasin pa dashje rëndësinë.

Sipërfaqja e gërvishtur

Gërvishtja e sipërfaqes së tenxheres ose tiganit është një problem që nuk duhet injoruar.

Në varësi të materialit të tenxheres, shumë substanca të rrezikshme mund të përfundojnë në ushqimin e gatuar.

Tenxheret ose tiganët që nuk ngjisin përmbajnë një kimikat industrial.

Shtrëmbërimi i sipërfaqes së tenxheres

Sa më e vjetër tenxherja ose tigani, aq më i keq do të jetë gatimi, thonë ekspertët e kuzhinës.

Nëse sipërfaqja e tenxheres ose tiganit nuk është e sheshtë por e shtrembëruar, atëherë ushqimi nuk do të gatuhet në mënyrë të njëtrajtshme.

Çngjyrosja dhe njollat
Nëse tenxherja ka zënë ndryshk, ka njolla dhe ka humbur ngjyrën fillestare, atëherë është koha ta ndërroni patjetër me një të re.

Grimcat e ndryshme të materialit përbërës të tenxheres apo të ndryshkut mund të përfundojnë tek ushqimi.

Në këtë mënyrë, rreziku që i kanoset shëndetit është i madh.

Për më tepër, një tenxhere që ka akumuluar njolla të ndryshme ushqimore të cilat nuk hiqen dot, duhet hedhur menjëherë.

Në përzgjedhjen e enëve të reja, synoni të blini tenxhere dhe tiganë prej qeramike.

Ato nuk kanë gjurmë substancash të rrezikshme.

Nga ana tjetër, enët prej gize janë të rekomandueshme.

Ato janë të lehta për t’u pastruar, nuk ngjisin dhe nuk ju ekspozojnë ndaj substancave të dëmshme.