Categories: lifestyle

Këshilla e parë kur gishtat ju ngjiten nga super ngjitësi

Përdorimi i super ngjitësit në punët e shtëpisë mund të sjellë telashe të papritura, si ngjitja e gishtave mes tyre. Forca e produktit vjen nga cianoakrilati, një përbërës që krijon lidhje jashtëzakonisht të forta dhe nuk lirohet thjesht me tërheqje.

Të lidhura

None found

Dr. John Anthony, dermatolog në Cleveland Clinic, paralajmëron se tentativa për të shkëputur lëkurën me forcë mund të shkaktojë dëme serioze, sikurse edhe përdorimi i veglave të mprehta si brisk apo gërshërë. Rruga e sigurt është krejt ndryshe.

Metoda më e thjeshtë, sipas ekspertit, është zhytja e zonës së prekur në ujë të vakët me sapun. Sapunët e enëve apo ata të duarve janë mjaft efektivë për të dobësuar ngjitësin. Larja e vazhdueshme e zbut materialin dhe e bën lidhjen më të brishtë, veçanërisht nëse veprohet shpejt, brenda pak minutash para se të forcohet plotësisht. Megjithatë, rezistenca ndaj ujit e bën procesin gradual, duke kërkuar diku te 10 deri në 15 minuta derisa të fillojë shkëputja. Më pas, mjafton të fërkohet apo të hiqet butësisht pa e tërhequr ashpër.

Produktet me bazë yndyrore përbëjnë një alternativë tjetër të sigurt. Ato depërtojnë nën shtresën e tharë të ngjitësit dhe e zbusin atë. Në shtëpi mund të gjenden me lehtësi vazelinë, vaj për bebe, vaj mineral, vaj ulliri, vaj kokosi, vaj bimor ose krem duarsh. Pasi të zgjidhni njërin prej tyre, masazhojeni butësisht në lëkurë dhe lëreni të veprojë rreth 10 minuta, pastaj hiqeni ngadalë sapo materiali të lirohet.

Ata që preferojnë një zgjidhje kimike, mund të provojnë acetonin, i cili gjendet në shumicën e heqësve të manikyrit. Ky tretës i fuqishëm shpërbën cianoakrilatin, por doktor Anthony rekomandon kujdes maksimal: përdorni sasi minimale, shmangni përzierjet me kimikate të tjera dhe hidratojeni lëkurën më pas. Edhe produktet pa aceton mund të funksionojnë, por procesi i tyre është dukshëm më i ngadaltë.

Nga ana tjetër, duhen evituar disa praktika të rrezikshme. Uji i nxehtë nuk duhet përdorur për të “shkrirë” ngjitësin, pasi mund të shkaktojë djegie. Gjithashtu, materialet gërryese si letra zmerile janë të dëmshme për lëkurën dhe asnjëherë nuk duhet të tentohet prerja e ngjitësit me mjete të mprehta. E gjithë kjo mund të çojë në flluska të dhimbshme ose plagë edhe më të rënda.

Në rast të gëlltitjes së super ngjitësit apo kontaktit me fytyrën apo zonën gjenitale, kërkimi i ndihmës mjekësore të menjëhershme është thelbësor. E njëjta gjë vlen edhe nëse shfaqen dhimbje të forta, ënjtje, mpirje, humbje e qarkullimit të gjakut apo reaksione të fuqishme alergjike.

të fundit

Parashikimi i motit 20 Nëntor 2026/ Reshje shiu dhe vranësira në të gjithë vendin

Këtë të premte, vendi ynë, do të karakterizohet nga mot i paqëndrueshëm  me alternime kthjellimesh dhe vranësirash, ndërsa në disa…

3 minutes ago

Në tetor 2026, çmimet e ushqimeve në Shqipëri u rritën me ritëm pesë herë më të lartë se në Bashkimin Europian

Në një vend si Shqipëria që ka nivelin më të lartë të varfërisë në Europë, ushqimet bazë po kthehen në…

8 minutes ago

BDI seeks national pact on North Macedonia’s strategic issues

Kryetari i BDI-së, Ali Ahmeti, ka bërë thirrje për dialog politik dhe bashkëpunim ndërpartiak, duke vlerësuar se çështjet strategjike të…

58 minutes ago

BDI kërkon pakt kombëtar për çështjet strategjike të Maqedonisë së Veriut

Kryetari i BDI-së, Ali Ahmeti, ka bërë thirrje për dialog politik dhe bashkëpunim ndërpartiak, duke vlerësuar se çështjet strategjike të…

1 hour ago

Furnizuesit gjermanë të automjeteve kalojnë te prodhimi i dronëve dhe industria e mbrojtjes, ndërsa sektori i makinave thellohet në krizë

Prodhuesit gjermanë të pjesëve për vetura po orientohen gjithnjë e më shumë drejt industrisë së dronëve, mbrojtjes dhe hapësirës, ndërsa…

8 hours ago

Bardhi: Balluku’s file leads to Edi Rama – searches of her home and phone demanded; imprisoned politicians face fewer charges

Kreu i Grupit Parlamentar të Partisë Demokratike, Gazment Bardhi, deklaroi në emisionin Prime News24 se dosja hetimore ndaj ish-zv.kryeministres Belinda…

8 hours ago