Dinamo ka bërë zyrtare afrimin e Mark Dodaj, i cili nga tani do të jetë pjesë e klubit kryeqytetas. Përgatitësi atletik 32-vjeçar ka vendosur t’i japë fund eksperiencës së tij te Teuta, për të nisur një aventurë të re me blutë e kryeqytetit.
Në njoftimin e publikuar, klubi dinamovit shkruan: “FC Dinamo i uron mirëseardhjen përgatitësit atletik Mark Dodaj! Ai i bashkohet familjes së madhe dinamovite si një vlerë e shtuar për stafin teknik të skuadrës”.
Të lidhura
None found
Vlen të theksohet se 32-vjeçari e ka mbajtur më herët këtë detyrë edhe te Kombëtarja shqiptare U21. Ndërkohë, gjatë karrierës si futbollist, Dodaj ka qenë pjesë e ekipeve si Vllaznia U19, Kastrioti, Tërbuni dhe Burreli.
