Flakët kanë përfshirë dhjetëra hektarë pyje, ullishte, pemëtari dhe kultura bujqësore në Dragot të Tepelenës, duke shkaktuar dëme të konsiderueshme dhe duke rritur rrezikun e zgjerimit të mëtejshëm të zjarrit.
Të lidhura
None found
Në terren ndodhen ekipet e MZSH-së së Tepelenës, Gjirokastrës dhe Libohovës, si edhe Forcat e Armatosura. Strukturat po punojnë pa ndërprerje për izolimin e vatrave dhe mbrojtjen e banesave, pronës së qytetarëve dhe sipërfaqeve të tjera të gjelbra.
Gjendja vijon të jetë serioze, ndaj banorëve të zonës u kërkohet të tregojnë kujdes maksimal, të mos afrohen pranë vatrave të zjarrit dhe të respektojnë udhëzimet e strukturave të emergjencës.
Mirënjohje u shkon efektivëve dhe të gjithë banorëve që po përballen me flakët në këto momente të vështira.
