Është përfshirë nga flakët mesditën e sotme një banesë ne fshatin Golem të Shkodrës.
Referuar njoftimit zyrtar të Policisë së Shtetit, shkak për ndezjen e flakëve të jetë bërë një shkëndijë elektrike.
Si pasojë është dëmtuar kati i dytë i banesës në pronësi të shtetasit N. R., ndërsa nuk raportohet për viktima. Sakaq, flakët janë vënë nën kontroll nga shërbimet e zjarrfikëses ndërsa hetuesit ndodhen në vendin e ngjarjen për dokumentimin e plotë të rastit.
Njoftimi i Policisë:
Shkodër/Informacion paraprak
Rreth orës 14:50, në fshatin Golem, dyshohet se për shkak të një shkëndije elektike, ka rënë zjarr në banesën e shtetasit N. R. Për pasojë është djegur kati i dytë i banesës.
Shërbimet e Policisë dhe të zjarrfikëses kanë shkuar menjëherë në vendin e ngjarjes dhe kanë shuar flakët.
Grupi hetimor po punon për zbardhjen e rrethanave të rastit.
