Ministrja për punët e Jashtme të Shqipërisë, Olta Xhaçka është takuar sot në Berlin me homologun ukrainas Dmytro Kuleba.
Gjatë një postimi në Twitter Xhaçka shkruan se pati një diskutim të sinqertë me Kulebën dhe se është dakord që Ukraina të anëtarësohet në BE.
“Diskutim i sinqertë me ministrin e Jashtëm ukrainas Dmytro Kuleba në lidhje me mbështetjen për Ukrainën. Ne jemi dakord që Ukraina meriton një perspektivë të qartë për në BE.
I sigurova ministrit Kuleba për angazhimin e palëkundur të Shqipërisë ndaj Ukrainës. Ne do të bëjmë gjithçka që mundemi për të izoluar Rusinë dhe për të ndihmuar në përfundimin e luftës”, shkruan Xhaçka në Twitter.
Frank discussion w/ ??FM @DmytroKuleba about support for Ukraine. We agree that Ukraine just as WB deserves a clear EU perspective.
Assured Minister Kuleba of Albania’s unwavering commitment to Ukraine. We will do all we can in #UNSC to isolate Russia & help bring war to an end. pic.twitter.com/wMotjTMEV6
— Olta Xhaçka?? (@xhacka_olta) May 14, 2022
Nga ana e tij edhe ministri i Jashtëm ukrainas ka falenderuar dhe vlerësuar Shqipërinë për përpjekjet e saj për vendosjen e paqes në Ukrainë, pas agresionit rus.
Në një postim në Twitter, Kuleba shkruan se pajtohet për rrugën e integrimit të Ukrainës dhe Shqipërisë në Bashkimin Europian.
“Rusia duhet të izolohet më tej derisa të përfundojë agresionin e saj. Mirënjohës për përpjekjet e Shqipërisë brenda OKB-së për të kërkuar paqen për Ukrainën. Ne pajtohemi që rrugët e integrimit të Ukrainës dhe Shqipërisë në BE”, shkruan Kuleba./albeu.com/
