Xavi Hernandez ka pohuar se ai ndihej në siklet edhe para se autobusi të mbërrinte në Camp Nou përpara ndeshjes së tyre kundër Eintracht Frankfurt.
Mijëra tifozë gjermanë arritën të siguronin biletat për duelin e së enjtes në Katalonjë dhe pushtuan pjesë të mëdha të tribunave, gjë që bëri të ndjehej sikur mysafirët po luanin në shtëpi.
“Kur u largova nga hoteli, pashë se diçka nuk shkonte”, tha Xavi në konferencën për shtyp.
“Ata na hodhën gjithçka, ju ndiheni të grabitur në shtëpi, nuk dukej sikur po luanim në shtëpi.
“Gjithçka filloi keq. Më pas erdhi penalltia. Ishte një natë fatale në çdo aspekt. Filloi dhe përfundoi keq.
“Është një goditje e rëndë, ata na kanë eliminuar nga Europa League. Shpresonim ta fitonim dhe të shkonim direkt në Ligën e Kampionëve dhe nuk ia dolëm. Është një goditje.”/ h.ll/albeu.com
