Vrasja e Mehmet Qemës në lagjen “5 Maji” në kryeqytet ka shkaktuar një tronditje të madhe në gjithë Shqipërinë. 27 vjeçari u vra nga pakujdesia nga shoku i tij Marjus Dema.
Ditën e sotme autori bashkë me shokët e tij kanë dalë para gjykates.
Ndaj Marjus Dema, i dyshuar për vrasjen e 27 vjeçarit Qema, prokuroria do të kërkojë “Arrest me burg”, ndërsa do të kërkohet arrest shtëpie për shokët e tjerë Blerim Hoti dhe Erlin Peka.
Mësohet se Marjus Dema ka shpërthyer në të qara në seancë, duke deklaruar se “ka vrarë vëllanë”.
Dema, u vetëdorëzua disa orë pas krimit, ndërsa para grupit hetimor tha se ishte i tronditur nga ajo që kishte ndodhur. /albeu.com/
