Presidenti i SHBA Joe Biden ka thënë se është “i shtangur, i indinjuar dhe thellësisht i pikëlluar”, për ekzekutimin e ish-kryeministrit të Japonisë.
“Kryeministri japonez më jetëgjatë, vizioni i tij për një Indo-Paqësor të lirë dhe të hapur do të qëndrojë. Mbi të gjitha, ai kujdesej shumë për popullin japonez dhe ia kushtoi jetën shërbimit të tyre. Edhe në momentin që është sulmuar ka qenë i angazhuar në punën e demokracisë.
Ndërsa ka shumë detaje që ne ende nuk i dimë, ne e dimë se sulmet e dhunshme nuk janë kurrë të pranueshme dhe se dhuna me armë gjithmonë lë një shenjë të thellë në komunitetet që janë prekur prej saj. Shtetet e Bashkuara qëndrojnë me Japoninë në këtë moment pikëllimi. I dërgoj ngushëllimet më të thella familjes së tij”, tha Biden./albeu.com
