Tre objekte u prishën këtë të enjte në Vlorë, në kuadër të vijimit të projektit që lidhet me Rrugën Transballkanike, Portin dhe shtrirjen e Lungomares 4. Inspektorati i Mbrojtjes së Territorit (IMT) kreu ndërhyrjen për shembjen e këtyre ndërtesave, të cilat ishin shpronësuar që në vitin 2018 dhe konsideroheshin të pabanueshme.
Sipas autoriteteve, ato kishin krijuar edhe shqetësim për banorët, pasi përdoreshin nga persona që konsumonin lëndë narkotike.
Të lidhura
None found
Kryetarja e Bashkisë Vlorë, Brunilda Mersini, nënvizoi rëndësinë e këtij veprimi për ecurinë e projektit. Ajo bëri të ditur se njëkohësisht po punohet edhe në kanalin e ujërave të larta, ku vazhdojnë të mbeten problematika me disa ndërtime që ndodhen në proces legalizimi.
