Ditën e sotme kryeministrja serbe, Ana Brnabiç, do të zhvillojë një vizitë në Veri të Kosovës.
Policia e Kosovës ka njoftuar se për shkak të kësaj vizite, do të bllokojë disa rrugë për ofrimin e sigurisë dhe mirëmbajtjen e rendit dhe qetësisë publike.
Në njoftim thuhet se në segmentet nëpër të cilën do të kalojë eskorta e kryeministres serbe do të ketë ndërprerje të përkohshme të qarkullimit të trafikut si dhe në lokacione të caktuara ku parashihen të realizohen aktivitetet.
“Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e policisë.
Teksa Bërnabiç viziton veriun e Kosovës, zëvëndës-kryeministri, Besnik Bislimi dhe ministrja e Arsimit, Arbërie Nagavci do ta vizitojnë Luginën e Preshevës./albeu.com/
