Dy persona në Fier dhe Lushnje janë zhdukur një ditë më parë, duke humbur kontaktet me familjarët.
Sipas Policisë, në Fier bëhet fjalë për një 29 vjeçar të zhdukur ditën e djeshme. E ëma e tij pas humbjes së kontakteve ka bërë denoncim në Polici.
Ndërsa në Lushnjë bëhet fjalë për një 57-vjeçar i cili vuan nga depresioni dhe është denoncuar i zhdukur nga vëllai i tij.
Njoftimi i Policisë:
Nga specialistët për Hetimin e Krimeve në Komisariatin e Policisë Fier është bërë shpallja në kërkim dhe po punohet për gjetjen e shtetasit J. H., 29 vjeç, banues në Fier, pasi në datë 06.11.2021 ka bërë kallëzim nëna e tij se djali është larguar nga banesa”, njofton policia.
Ndërkohë në Lushnje një 57-vjeçar i cili vuan nga sëmundja e depresionit është denoncuar i zhdukur nga vëllai i tij.
“Nga specialistët për Hetimin e Krimeve në Komisariatin e Policisë Lushnjë është bërë shpallja në kërkim dhe po punohet për gjetjen e shtetasit I. N., 57 vjeç, banues në fshatin Çiflik i Ri, Lushnjë, pasi në datë 06.11.2021 ka bërë kallëzim vëllai i tij se 57-vjeçari (i cili vuan nga sëmundja e depresionit) është larguar nga banesa./albeu.com/
