Ukraina: Marrja e Kievit do të ishte “vetëvrasje” për Rusinë

Një këshilltar presidencial ukrainas tha sot se marrja e kontrollit të Kievit është ende një prioritet i qartë për Rusinë, por përpjekja për ta bërë këtë do të ishte “vetëvrasje” për Moskën.

Oleksiy Arestovych shtoi se “armiqësitë aktive” midis dy palëve mund të përfundojnë brenda dy deri në tre javë.

Rusia ende nuk e ka shkelur kryeqytetin ukrainas, pavarësisht bombardimeve të rënda të vërejtura brenda dhe rreth qytetit që nga fillimi i konfliktit gati katër javë më parë.

Më herët, inteligjenca britanike tha se forcat ruse “kanë duruar edhe një ditë tjetër përparimi të kufizuar, me shumicën e forcave të ngecura në vend”.

Ukraina thotë se Moska ka pësuar humbje të mëdha në luftë deri më tani, me rreth 15,000 trupa dhe qindra tanke që dyshohet se janë shkatërruar ndërsa konflikti vazhdon.

Kuptohet se Rusia është detyruar të ndalojë avancimin në Ukrainë disa herë ndërsa priste furnizime dhe përforcime.

Shtuar 22.03.2022 11:15