U ndeshën papritur me postbllokun e policisë: Të rinjtë hedhin pistoletën nga makina, por e pësojnë

Postblloku i policisë i vendosur pranë urës së Ballistave në Vlorë, ka arrestuar disa të rinj për armëmbajtje paleje.

Dy makina me të rinj, pasi kanë parë postbllokun kanë tentuar të largohen, ndërsa gjatë ndjekjes nga policia kanë hedhur një pistoletë dhe disa sende nga makina.

Pas ndjekjes policia ka mundur t’I ndalojë makinat në fshatin Babicë, ku është sekuestruar edhe një pistoletë.

Ende nuk dihet identiteti i të arrestuarve apo nëse personat apo nëse arma lidhet me ndonjë krim të bërë.


Shtuar 26.03.2021 15:00