Janë zbardhur detaje të reja nga seanca gjyqësore e zhvilluar sot në Tiranë ku u gjykua dhe u vendos burg për 27-vjeçarin nga Kamza, të arrestuar për dhunë dhe abuzim ndaj vajzës së tij 6-vjeçare.
Akuza e abuzimit ndaj 6-vjeçares pritet të konfirmohet nga ekspertiza mjeko-ligjore.
27 vjeçari gjatë seancës ka pranuar dhunën ndaj të miturës por duke mohuar kategorikisht abuzimin seksual.
Dhunën me thupër dhe kafshimet sipas tij kanë ndodhur për shkak se vajza e bezdiste në telefon të ëmën ndërsa kjo ishte në punë duke shtuar se ishte ai që e ka çuar atë në spital.
Nga dosja mësohet se e mitura merrte nënën e saj në telefon duke i kërkuar që të shkonte në shtëpi dhe mos ta linte vetëm me babin.
Prokuroria e Tiranës mësohet se ka kërkuar ekspertim psiqik dhe analizat për përdorimin e mundshëm të drogës ndaj dy prindërve të 6-vjeçares.
Çifti ishte ndarë kur e vogla kishte qenë vetëm 1 muajshe dhe 2 muaj më parë kishin nisur bashkëjetesën përsëri në një familje. /albeu.com/