Gjykata e Posaçme ka lënë të lirë Fiqiri Farrukun, ndërtuesin e pallatit për të cilin është nën hetim edhe ish-kryebashkiaku i Durrësit, Vangjush Dako. Fiqiri Farruku është lënë në “arrest shtëpie”, pas kërkesës së tij për një masë më të butë sigurie.
Ai akuzohet për falsifikim dokumentesh, me anë të të cilave është pajisur me leje për ndërtimin e pallatit 11 katësh, objekt i ndërtuar 11 vite më parë.
Në bazë të hetimeve raportohet se ka shkelje në lejen e ndërtimit të dhënë gjatë drejtimit nga Vangjush Dakos. Ky i fundit dhe disa ish-zyrtarë të tjerë të drejtorisë së Urbanistikës akuzohen për shpërdorim detyre dhe falsifikim dokumentesh.
