Mbrëmjen e djeshme, një ngjarje tronditëse ka ndodhur në Kanada, ku gjashtë persona, katër fëmijë dhe dy të rritur, janë gjetur të vrarë në një shtëpi në periferi të Otavës në Barrhaven.
Policia gjeti gjashtë persona të vdekur dhe një të plagosur brenda shtëpisë.
Një person, u arrestua në vendin e ngjarjes, rreth 15 kilometra në jug të qendrës së Otavës.
Sipas informacioneve të policisë, nuk dihet lidhja e autorit me viktimat.
Policia dhe eksperti gjyqësor, po punojnë për të identifikuar viktimat, por hetuesit besojnë se katër fëmijët janë anëtarë të së njëjtës familje.
