Pasditja e së dielës u kthye në tragjedi në Bezzecca, në provincën e Trentos, ku një shtetas shqiptar 42-vjeçar gjeti vdekjen si pasojë e një aksidenti të rëndë rrugor.
Mediat në Itali raportojnë se viktima quhej Renis Domi, banor prej vitesh në Concesio. Ai po lëvizte me një motoçikletë të modelit Yamaha R1, kur hyri në përplasje të fortë me një makinë tip Renault Clio që po manovronte për të kryer një kthesë. Në timonin e automjetit ndodhej një 67-vjeçare vendase, banore e zonës së Bezzeccës.
Të lidhura
None found
Goditja ishte fatale për motoçiklistin Renis Domi, i cili humbi jetën menjëherë në vendin e ngjarjes. Ndërkaq, shoferja e Renault u dërgua me urgjencë në Spitalin e Trentos në kushte të rënda shëndetësore. Forcat e Policisë Rrugore mbërritën shpejt në skenën e tragjedisë dhe kanë vënë në lëvizje hetimet për të përcaktuar me saktësi dinamikën dhe shkaqet e këtij aksidenti fatal.
