Tjetër mutacion i COVID 19, Delta plus infekton dy persona! Ku ndryshon mutacioni i ri nga varianti origjinal?

Janë regjistruar rastet e para të prekur me muracionin e ri të COVID 19, i quajtur Delta Plus.

Janë dy raste aktiv deri më tani të cilët jetojnë në Korenë e Jugut.

Lajmin e bëri të ditur “Agjencia e Kontrollit dhe Parandalimit të Sëmundjeve të Koresë së Jugut”.

Rasti i parë u shfaq tek një burrë rreth të 40-ve që kishte udhëtuar kohët e fundit, ndërsa rasti tjetër u shfaq tek një person i vaksinuar që sapo ishte kthyer nga SHBA.

“Med Page Today” shkruan se varianti ‘Delta Plus’ ka mbërritur edhe në disa vende të tjera, përfshirë Mbretërinë e Bashkuar dhe Indinë.

‘Delta Plus’ u referohet tre nëntipeve AY.1, AY.2 dhe AY.3 dhe duket shumë i ngjashëm me variantin origjinal “Delta”, por me disa ndryshime.

Aktualisht, nuk ka asnjë provë që vërteton se varianti “Delta Plus” është më problematik se varianti origjinal “Delta”.

“Tani për tani, nuk ka asnjë arsye për të besuar se ‘Delta Plus’ do të jetë më sfiduese sesa ‘Delta’, por natyrisht na duhen më shumë të dhëna për ta ditur këtë,”- tha Dr. Amesh Adalja, një studiues i Qendrës Universitare Johns Hopkins për Sigurinë Shëndetësore dhe ekspert i Sëmundjeve Infektive.

Ku ndryshon ‘Delta Plus’?

Çdo variant ka një grup të caktuar mutacionesh. Delta ka një sërë mutacionesh që e bëjnë shumë infektuese për njerëzit, shpjegoi Dr. F. Ëilson.

‘Delta Plus’ lindi nga ‘Delta’ dhe ndoshta nga njerëzit që u infektuan me variantin ‘Delta’. Ai ka pothuajse të njëjtin kod gejnetik si varianti origjinal ‘Delta’, por ndryshon, sepse ‘Delta Plus’ ka mutacione që janë vërtetuar edhe në variantin ‘Beta’, i cili u zbulua më parë në Afrikën e Jugut.

Ky mutacion mendohet se jep njëfarë rezistence në trajtimin e antitrupave monoklonalë që u jepen njerëzve të prekur rëndë nga COVID-19.

Ekspertët pohojnë se këto viruse nuk janë ende një kërcënim për njerëzimin. Tani, AY.1 dhe dy versione të tjera, AY.2 dhe AY.3, janë variantet e etiketuar nga OBSH, për t’u monitoruar si pjesë e variantit origjinal “Delta”.

Epidemiologu britanik, Colin Angus, tha për “Ëashington Post”: “Deri më sot, nuk ka prova të qarta se ai sjell përfitime të mjaftueshme për virusin për ta lejuar atë të dominojë variantin origjinal ‘Delta’. Pra, edhe pse është këtu, nuk ka asnjë shenjë të qartë se ka fituar terren mbi variantet ekzistuese të virusit”./albeu.com


Shtuar 15.08.2021 15:25