Tjetër aksident në Shqipëri, plagoset 57-vjeçari

Një aksident ka ndodhur mbrëmjen e sotme në aksin rrugor Kardhiq-Delvinë, në afërsi të tunelit.

Drejtuesja e automjetit tip “Fiat” ka humbur kontrollin dhe ka dalë nga rruga, ku më pas është përplasur me trafikndarëset.

Nga aksidenti ka mbetur i lënduar 57-vjeçari Aleksandër Prifti, babai i drejtueses së mjetit.

I lënduari është dërguar në spitalin e Sarandës, më pas është nisur drejt Traumës në Tiranë.

Ka nisur puna për zbardhjen e rrethanave të aksidentit.