Një 31-vjeçar nga Bulqiza është përfshirë në një aksident, pavarësisht se ndaj ishte vendosur masa e sigurisë “arrest shtëpie”.
Për më tepër, në momentin e aksidentit, 31-vjeçari ka qenë në gjendje të dehur.
Policia ka bërë arrestimin e shtetasit N.S.
Njoftimi i plotë
Shërbimet e Komisariatit të Policisë Bulqizë, arrestuan në flagrancë shtetasin N.S., 31 vjeç, banues në Bulqizë. Ky shtetas duke qenë me masë sigurie “Arrest në shtëpi”, ka thyer masën e sigurisë, i cili teksa drejtonte automjetin e tij në gjendje të dehur, është përfshirë në një aksident rrugor, duke shkaktuar vetëm dëme materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
