Të shtëna me armë zjarri janë dëgjuar pak momente më parë në Laç, pranë gjimnazit të përgjithshëm në Kurbin.
Paraprakisht mësohet se një person ka mbetur i plagosur.
Policia dhe grupi hetimor janë nisur drejt vendngjarjes.
Njoftimi i policisë:
Rreth orës 12:20, në lagjen nr.4 në Laç, jashtë rrethimit të gjimnazit, pas një konflikti të çastit për motive të dobëta, është plagosur me armë zjarri në këmbë shtetasi i mitur L. Rr. 15 vjeç, nxënës në gjimnaz, banues në Kurbin, i cili është transportuar në spital ku ndodhet jashtë rrezikut për jetën.
Menjëherë me marrjen e njoftimit, shërbimet e policisë kanë shkuar në vendin e ngjarjes dhe falë veprimeve të shpejta hetimore, kanë identifikuar autorin e dyshuar shtetasin A.Gj. 17 vjeç, gjithashtu nxënës i gjimnazit./albeu.com