Të shtëna me armë zjarri janë raportuar rreth orës 12:30 të ditës së sotme (2 maj 2023).
Ngjarja ka ndodhur në lagjen “Tom Kola” në Shkodër.
Si pasojë e të shtënave ka mbetur i vrarë Petrit Vuksani, 51 vjeç.
Ky i fundit është qëlluar me armë brenda banesës së tij.
View this post on Instagram
Autori ka hyrë në pallat, më pas në banesën e Vuksanit dhe ka qëlluar disa herë duke e lënë të vdekur në vend.
Mësohet se Vuksani prej një muaji ishte kthyer nga Anglia.
Ndërkohë nuk dihen ende rrethanat e kësaj ngjarjeje të rëndë dhe as autori.
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç. Shërbimet e Policisë dhe grupi hetimor kanë shkuar menjëherë në vendngjarje. Janë ngritur pika kontrolli dhe po ushtrohet kontroll në zonë për kapjen e autorit të dyshuar.
Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit”, njoftoi policia.
/Albeu.com/
