Turma të tëra të palestinezëve të zhvendosur filluan të ktheheshin në pjesën veriore të Gazës të hënën, pasi Izraeli hoqi pengesat si pjesë e marrëveshjes së armëpushimit dhe lirimit të pengjeve izraelite që po mbahen nga Hamasi.

Të zhvendosurit, duke mbajtur sende personale, ecnin nëpër rrugën kryesore përgjatë bregut të detit. Shumë prej tyre u përballën me një pamje apokaliptike të shkatërrimeve në këtë pjesë të Gazës.

“Kjo është shtëpia jonë, një grumbull rrënojash. Nuk morën me vete as para, as veshmbathje e as gjëra tjera, i lamë të gjitha këtu, nën këto rrënoja.

I lamë tendat prapa dhe erdhëm këtu në tenda të tjera. Kjo ishte shtëpia jonë katër kate, por nuk është më”, tha njëri nga palestinezët e kthyer.

Disa e konsideruan kthimin e tyre si akt qëndrueshmërie ndaj fushatës ushtarake të Izraelit, që u shkaktua si rezultat i sulmit të Hamasit ndaj vendbanimeve izraelite më 7 tetor të vitit 2023 dhe ndaj deklaratave të Presidentit amerikan Donald Trump, i cili kërkoi gjatë fundjavës nga Egjipti dhe Jordania të pranonin më shumë refugjatë palestinezë nga Gaza për të mundësuar një fillim të ri në Gazë.

“Do të dëshiroja që Egjipti dhe Jordania të marrin më shumë njerëz. Po flasim për rreth një milion e gjysmë njerëz dhe mund ta pastrojmë të tërin.

Diçka duhet të ndodhë. Tani është një gërmadhë. Pothuajse e tëra është e shkatërruar”, deklaroi Presidenti Trump nga aeroplani presidencial.

Por Egjipti dhe Jordania, të dyja shtetet me ekonomi të paqëndrueshme dhe me shqetësime se një fluks i tillë i refugjatëve palestinezë do të destabilizojë qeveritë e tyre, e kundërshtuan një propozim të tillë.

Krahas palestinezëve, ato kanë shprehur shqetësimet e tyre se Izraeli nuk do të lejojë më kthimin palestinezëve që largohen nga Gaza.

Komentet e Presidentit Trump erdhën ndërkohë që Hamasi liroi katër ushtare izraelite, të cilat po mbaheshin peng në Gazë në këmbim të 200 të burgosurve palestinezë, në mesin e të cilëve 121 të dënuar me burgim të përjetshëm.

Gjatë fundjavës, Presidenti Trump hoqi bllokadën për dërgesat e bombave 907 kilogramëshe Izraelit, të cilën e kishte vendosur administrata e Presidentit Biden.

“Ju falemnderit, President Trump, që po mbani premtimin tuaj për t’i dhënë Izraelit mjetet që i duhen për ta mbrojtur veten, për t’u përballur me armiqtë tanë të përbashkët dhe për të siguruar një të ardhme paqësore”, tha Kryeministri izraelit Benjamin Netanyahu.

Në javën e parë, marrëveshja e armëpushimit ndërmjet Hamasit dhe Izraelit ka hasur në pengesa, të cilat u tejkaluan me angazhimin e Katarit.

Por me fillimin e javës së dytë fillon edhe faza e dytë e marrëveshjes. Hamasi është zotuar se nuk do të lirojë 60 pengjet e mbetura nëse Izraeli nuk i jep fund luftës, ndërkohë që Kryeministri Netanyahu thotë se ai ende mbetet i përqendruar në synimin e tij për të shkatërruar grupin militant dhe për t’i dhënë fund sundimit të tyre 18 vjeçar në Gazë./VOA

The post Qindra mijëra palestinezë kthehen në pjesën veriore të Gazës appeared first on Albeu.com.

Mediet italiane bëjnë me dije se dy vendet po diskutojnë mundësinë e një marrëveshjeje sipas së cilës të burgosurit shqiptarë në Itali, të mund të vuajnë dënimin në atdhe.

Kjo është hipoteza mbi të cilën po punohet, sipas asaj që raporton kreu i Departamentit të Administrimit të Burgjeve, Giovanni Russo në një seancë dëgjimore në Komisionin e Drejtësisë.

Kostot do të mbulohen nga vetë shteti italian, raporton Sky Tg 24.

“Me një kosto prej 34 euro në ditë për çdo të burgosur shqiptar në burgjet e saj, Mbretëria e Bashkuar ka lidhur një marrëveshje me Shqipërinë për të vuajtur dënimin në vendin e tyre. Na ra në mendje, shpjegoi Russo, të përsërisim të njëjtën marrëveshje me disa modifikime: jo për të dërguar para në Shqipëri, por për të ofruar shërbime të tipit penitenciar”./albeu.com 

The post Roma dhe Tirana drejt marrëveshjes për kthimin e të burgosurve shqiptarë në atdhe appeared first on Albeu.com.

Sipas hetimeve, dërgimi i celularëve dhe telefonave për të burgosurit në këtë mënyrë bëhej në burgjet e zonës më të gjerë të Torinos, Italisë qendrore dhe Siçilisë.

Policia italiane sekuestroi dy dronë ndërsa hetimet nisën dhjetorin e kaluar, me arrestimin e një operatori.

Gjëja më mbresëlënëse është se i gjithë ky rrjet ilegal është koordinuar nga një i burgosur, i cili akuzohet për bashkëpunim me mafian dhe ndodhet në burgjet e Akragantës, në Siçili.

Për çdo dërgesë, operatorët e dronëve  merrnin 1500 euro dhe brenda pak muajsh organizata kishte fituar mbi 100 mijë euro.

Droga dhe celularët u dërguan direkt në qelitë e të burgosurve, ndërsa organizatori i spirales më pas mori videon si dëshmi të dorëzimit./albeu.com

The post “1500 euro për një dërgesë”, shkatërrohet banda që fuste drogë dhe celularë me dron në burgjet italiane appeared first on Albeu.com.

Sa vetë janë rekrutuar?

Kremlini vetë nuk jep informacione. “Për këtë nuk mund të them asgjë”, tha në fund të janarit zëdhënësi i Kremlinit, Dmitrij Peskov para gazetarëve. “E dini, se ka dekrete të hapura dhe nga ato me shkallë të ndryshme sekreti. Për të fundit nuk mund të them asgjë.” Sipas Peskov të gjitha amnestitë do të kryhen sipas ligjit rus.

“Mediazona”, një gazetë online që punon nga ekzili në Vilnius dhe Tiflis ka kontrolluar të dhënat e autoriteteve ruse të burgjeve dhe ka konstatuar, se numri i të burgosurve rusë nga shtatori deri në tetor 2022 me sa duket për shkak të rekrutimit është ulur në 23.000 vetë. Olga Romanova, themeluese e organizatës “Rusia pas hekurave” përmend shifra të përafërta. Sipas të dhënave të shërbimeve sekrete amerikane në dhjetor 2022 kanë marrë pjesë 40.000 të burgosur si luftëtarë të grupit Wagner në luftën e Ukrainës. Por sipas “Mediazona” nga tetori 2022 numri i të burgosurve nuk është ulur më tej. Edhe Ministria e Mbrojtjes në Britaninë e Madhe arrin në përfundimin, se përmasat e rekrutimit të të burgosurve kanë rënë ndjeshëm.

Lirim para dërgimit në luftë?

Në internet qarkullojnë video për të burgosur të liruar, që janë publikuar nga shërbimi i shtypit i Prigoshin, por vetëm një herë në një video në tetor 2022 është vënë re një dokument zyrtar. Në një spital në Luhansk nderohen meshkuj për guximin  e tyre, duke marrë certifikata për lirimin dhe “faljen e plotë”. Në një nga këto certifikata lexohet se personi në fjalë lirohet “me dekret amnistie nga presidenti i Federatës Ruse”. Por nuk ka një numër dekreti, vetëm data 6 korrik 2022, sipas së cilës mund të kuptohet, se presidenti Putin e ka nënshkruar dekretin në fjalë që në 6 korrik 2022, pra para dërgimit të të burgosurve nga burgjet në front.

Deutsche Welle ka vëzhguar listën e dekreteve presidenciale për vitin 2022. Ata janë të numëruara sipas radhës, por mungojnë numrat e dekreteve sekrete. Kështu mund të përcaktosh numrin e tyre. Nga data 5 deri në 8 korrik, kur Putin me gjasë ka amnistuar të burgosurin në video, janë nënshkruar 4 dekrete sekrete. Teorikisht secili dekret mund të përfshijë një numër të pakufizuar personash.

Vetë ish-luftëtarë të grupit Wagner raportojnë, se si i marrin certifikatat e lirimit. Andrej Medvedev që u arratis në janar në Norvegji bëri dëshmi para autoriteteve norvegjeze. “E di se me mbërritjen tek pika e grumbullimit ata nënshkruajnë kontrata dhe një formular kërkesë për falje në mungesë, para se të shkojnë në luftë. Me gjasë kjo për t’i bindur dhe garantuar se nuk po gënjehen, në lidhje me amnistinë”, tha Medvedev për gazetën “Th Insider”.

Lirohen vërtet rekrutët?

Nuk ka prova të bindshme, se të burgosurit pas 6 muajsh shërbim kthehen nga lufta dhe lirohen pa asnjë detyrim. Gati të gjithë të burgosurit që shihen në videot që qarkullojnë, thonë se nuk kthehen në jetë normale, por kthehen tek grupi Wagner apo rikthehen në front. Avokatja ruse, Jana Gelmel që mbron të drejtat e të burgosurve, thotë se të burgosurit e rekrutuar nuk janë vërtet të lirë, edhe pasi lirohen pas pjesëmarrjes në luftë. Shumë vendosen nën presion të mos largohen nga trupa pas përfundimit të afatit. “Trupa Wagner i mban ata, sepse të gjithë janë në një mënyrë të varur nga autoriteti i burgjeve ose Prigoshin.” Shumë e dinë, se mund të burgosen sërish, nëse nuk i plotësojnë kërkesat e trupës, thekson Gelmel.

Ndërsa aktivistët për të drejtat e njeriut paralajmërojnë për një zhvillim të rrezikshëm që e minon më tej sistemin rus të drejtësisë. Mes të amnistuarve ka edhe kriminelë me vepra të rënda penale, vrasës, hajdutë të armatosur, anëtarë të organizatave kriminale. Shumë janë dënuar me dënime të gjata, por nuk kanë kryer as gjysmën e dënimit. “Praktikisht nuk ka as krime dhe as dënime”, paralajmëron aktivisja e organizatës “Rusia pas hekurave”, Olga Romanova. “Tani lejohet gjithçka dhe një gjë e tillë ka pasoja shumë të forta për një vend.”/dw

The post Do të amnistojë Putini së shpejti mijëra të burgosur? appeared first on Albeu.com.

Putin foli në një konferencë shtypi në Bishkek të Kirgizisë, një ditë pasi Shtetet e Bashkuara dhe Rusia, në këmbim të të burgosurve, këmbyen tregtarin rus të armëve, Viktor Bout, me basketbollisten amerikane, Brittney Griner.

“Po, gjithçka është e mundur”, tha Putin.

“Kontaktet vazhdojnë, në fakt nuk u ndalën asnjëherë… U gjet kompromisi, ne nuk refuzojmë ta vazhdojmë këtë punë në të ardhmen”, tha presidenti rus.

Rusia edhe më tej është duke mbajtur Paul Whelanin, një veteran marins amerikan, i cili u dënua për spiunazh në vitin 2020.

Më 8 dhjetor, agjencia ruse e lajmeve Interfax, duke cituar avokatin e Whelanit, raportoi se Uashingtoni dhe Moska po vazhdonin bisedimet për lirimin e Whelanit.

Ndërkohë, më 9 dhjetor, aeroplani me yllin amerikan të basketbollit, Brittney Griner zbarkoi në SHBA, pasi ajo u lirua në një këmbim të burgosurish pas gati 10 muajve të kaluar në burg në Rusi. Griner u pa duke zbritur nga aeroplani në bazën e forcave ajrore San Antonio-Lackland në Teksas, raporton AP-ja.

“Muajt e fundit kanë qenë ferr për basketbollisten Griner dhe gjithë familjen e saj”, tha presidenti amerikan Joe Biden pas lirimit të saj më 8 dhjetor.

Më pas Biden tha gjithashtu se “Amerika nuk e ka harruar Paul Whelanin”, një tjetër shtetas amerikan i burgosur në Rusi që nga nëntori i vitit 2018, për shkak të akuzave për spiunazh.

Familja e Whelanit dhe Qeveria amerikane thonë se akuzat për spiunazh janë të pabaza.

“Fatkeqësisht, Rusia po e trajton rastin e Paulit ndryshe nga ai i Brittney Grinerit për arsye krejtësisht të paligjshme”, tha Biden.

Shkëmbimi i Grinerit dhe Boutit është shkëmbimi i dytë i të burgosurve në tetë muaj e fundit, pavarësisht marrëdhënieve të tensionuara mes dy vendeve. Të burgosurit e tjerë nuk u përmendën si pjesë e marrëveshjes. Në vitet e fundit, Rusia ka dënuar disa qytetarë amerikanë me burgime të gjata./REL

The post Putin: Këmbimet e të burgosurve me SHBA-në janë të mundshme appeared first on Albeu.com.

Sipas informacioneve, ekipi monitorues i OKB-së me bazë në Ukrainë bazoi gjetjet e tij në intervistat me më shumë se 100 të burgosur lufte ukrainas dhe rusë. Intervistat me të burgosurit ukrainas të luftës u kryen pas lirimit të tyre, pasi Rusia nuk lejoi aksesin në vendet e paraburgimit.

Rusia, e cila pushtoi Ukrainën më 24 shkurt, ka mohuar torturat ose format e tjera të keqtrajtimit të të burgosurve të luftës.

Kievi nga ana tjetër ka deklaurar se ka në dorë të gjitha informacionet në lidhje me trajtimin e të burgosurve dhe do të hetojë çdo shkelje dhe do të marrë të gjitha veprimet e duhura ligjore.

OHCER ka përditësuar shifrat e viktimave, sipas të cilës 6,557 janë vrarë dhe 10,074 janë plagosur. Shumica e viktimave civile të regjistruara u shkaktuan nga përdorimi i armëve shpërthyese, duke përfshirë bombardimet nga sistemet raketore, raketat dhe sulmet ajrore.

OHCHR beson se shifrat aktuale janë më të larta.

The post OKB publikon raportin: Rusia dhe Ukraina kanë torturuar të burgosurit e luftës appeared first on Albeu.com.

Ministri i Jashtëm në detyrë, Amir Khan Muttaqi, u tha gazetarëve në një konferencë për media se Frerichs u këmbye me Haji Bashir Noorzai në aeroportin e Kabulit, herët më 19 shtator.

Noorzai u arrestua në vitin 2005 dhe u akuzua për kontrabandë me heroinë, në vlerë më shumë se 50 milionë dollarë në Shtetet e Bashkuara të Amerikës, dhe u dënua me burgim të përjetshëm në vitin 2009.

Frerichs është një inxhinier dhe veteran i marinës amerikane që ka punuar në Afganistan për një dekadë në projekte zhvillimi. Ai u rrëmbye në fillim të shkurtit 2020.

Në fillim të tetorit të vitit 2021, zyrtarët amerikanë zhvilluan bisedime me përfaqësuesit talibanë.

Ky ishte takimi i parë që prej se SHBA-ja u tërhoq nga Afganistani dhe grupi islamik mori kontrollin e vendit në muajin gusht të të njëjtit vit.

Ky takim nuk do të thotë se SHBA-ja zyrtarisht e njeh sundimin e talibanëve në Afganistan, kishte deklaruar vitin e kaluar Departamenti i Shtetit./REL/

The post Talibanët thonë se kanë këmbyer të burgosur me Amerikën appeared first on Albeu.com.

Ndërkohë burime pranë Komisariatit të Sarandës bëjnë me dije se 3 shtetas për të cilët ditët e fundit Gjykata e Sarandës ka vendosur masën e sigurisë “Arrest ne burg”, nuk janë dërguar në IEVP Sarandë, por janë transferuar në IEVP Bënçë, Tepelenë.

Edhe 13 të burgosur që vuajnë dënimin në burgun e Tropojës, janë transferuar drejt burgut të Reçit, për shkak se në ditët në vijim burgu i Tropojës pritet të mbyllet./bw

The post Mbyllen burgu i Sarandës dhe Tropojës, ku janë transferuar të burgosurit appeared first on Albeu.com.

Volodymyr Zelensky tha se ishte një zgjedhje e vështirë morale, por shtoi se ishte e nevojshme për mbrojtjen e vendit.

Ai tha se të burgosurit do të luftojnë në pikat më të nxehta./albeu.com

⚡️Zelensky: Ukraine to release prisoners with combat experience.

Zelensky said it was a difficult moral choice but that it was necessary for the country’s defense. He said the the prisoners will be fighting in the hottest spots.

“The key is defense now.”

— The Kyiv Independent (@KyivIndependent) February 28, 2022

The post Zelensky liron të burgosurit me eksperiencë ushtarake: Do t’i pozicionojmë në pikat më të nxehta appeared first on Albeu.com.

The post Nuk ka punonjës, prodhuesi rus i kamionëve punëson të burgosur appeared first on Albeu.com.