Spaho dhe Shalsi “përplasen” në Komisionin e Ekonomisë: Jeni hajdutë pa skrupuj, porti i Durrësit vjedhja më e madhe në histori

Kanë nisur me debate diskutimet në Komisionin e Ekonomisë ku po diskutohet mëngjesin e së martës projekti për Portin e Ri të Durrësit.

Ata që kanë debatuar ishin deputeti demokrat Edmond Spaho dhe kryetari i Komisionit, Eduart Shalsi. Spaho është shprehur se pas inceneratorëve, projekti për Portin e Durrësit është “vjedhja më e madhe e historisë.”

Po ashtu, deputeti demokrat i cilësoi anëtarët e mazhorancës si “hajdutë pa skrupuj” ndërsa u përball me kundërshtimin e kryetarit të komisionit që i kërkoi të ruajë etikën.

Debatit i janë bashkuar më tej Alban Xhelili dhe deputeti demokrat Agron Shehaj ndërsa kryetari i Komisionit Eduart Shalsi ka tentuar që vërë nën kontroll situatën.

“Unë e kuptoj që Xhelili është deputet për herë të parë, zonja Dhima ka shumë vite. Kam një kërkesë, që nëse nuk arrini ta kuptoni dhe bëni debat personal. Siç dëgjuam ca zëra të logjikshëm ka edhe ca zhurmues, se ka dhe biznesmenë këtu që bëjnë një banalitet dhe vulgaritet.,” u shpreh Eduart Shalsi.