Kryetari i Grupit Parlamentar të Partisë Demokratike, Gazment Bardhi, pretendon se kryeministri Edi Rama është takuar me Ergys Agasin përpara se ky i fundit të arrestohej, në një kohë kur ishte në kërkim nga drejtësia dhe policia.
Bardhi shkruan se Edi Rama ka “një CV të pasur me skandale”, ndërsa në mesnatën e së enjtes nuk dha shpjegime për takimet me persona të kërkuar nga drejtësia. Sipas tij, kryeministri ndodhej në Parlament kur u vu në dijeni për këtë fakt, por nuk reagoi dhe vazhdon të heshtë.
Të lidhura
None found
Ergys Agasi u arrestua më 26 gusht në Durrës, gjatë një operacioni të Policisë së Shtetit dhe SPAK. Raportimet e publikuara në atë kohë bënin me dije se ai ishte shpallur në kërkim dhe se arrestimi u krye në kuadër të hetimeve për dosjen e AKSHI-t.
Bardhi e ka paraqitur pretendimin për takimin mes Ramës dhe Agasit si një çështje që kërkon sqarim publik. Më herët, ai ka kërkuar që hetimet ndaj Agasit të zbardhin edhe marrëdhëniet dhe mënyrën e ushtrimit të pushtetit gjatë qeverisjes së Ramës.
