Shtyhet seanca për Dritan Dajtin, bashkëshortja e tij nuk ishte në dijeni

Seanca e ditës së sotme për Dritan Dajtin është shtyrë për datën 24 qershor, në orën 10. Shtyrja është bërë pasi bashkëshortja e tij, e cila do të ishte e pranishme, nuk ka qenë në dijeni.

Kujtojmë se SPAK ka kërkuar konfiskimin e disa pasurive të Dritan Dajtit.

Raportohet se kërkesa është bërë në bazë të OFL. Ndërkohë, pritet që kërkesa të merret në shqyrtim gjatë ditës së sotme.

Dritan Dajti është një ndër emrat më të njohur të botës së krimit në vend. Ai qëndron në qeli që prej vitit 2009, pasi akuzohet për vrasjen e katër efektive të policisë.

Fatos Xhani, Altin Dizdari, Kastriot Feskaj, dhe Sajmir Duçkollari, mbetën të vrarë në operacionin e Policisë me 7 gusht të vitit 2009, kur efektivët e Njësisë Operacionale të Policisë së Shtetit, ndërhynë në zonën e plazhit për të arrestuar Dajtin i cili ishte në kërkim, pasi ai ishte dënuar për vrasjen e biznesmenit Agim Beqo, ngjarje e ndodhur në vitin 1999 në Tiranë./albeu.com

Shtuar 9.06.2021 04:06