Shqipëria zgjohet nga tërmeti, ku ishte epiqendra dhe sa i fortë

Vendi ynë është zgjuar mëngjesin e sotëm me lëkundje toke. Mësohet se lëkundja është ndjerë në disa qytete, përfshirë Tiranën dhe Durrësin, dhe sipas institutit të sizmiologjisë, ato janë regjistruar rreth orës 06:39 minuta, ndërsa thellësia ka qenë vetëm dy kilometër.

Sipas raportimeve të deri tanishme, lëkundja ka si epiqendër zonën e Thumanës, 24 kilometër në veriperëndim të Tiranës.

Magnituda e tërmetit është 3.5 e shkallës Rihter, por për shkak të epiqendrës në afërsi të sipërfaqes, lëkundjet kanë qenë të fuqishme duke bërë që të ndihen në të gjitha ndërtesat, sidomos në Tiranë.

Ende nuk ka informacione për dëmtime në infrastrukturë.


Shtuar 5.04.2021 08:04

Tags: