Një 51-vjeçar është nxjerrë i gjallë nga një humnerë në fshatin Kapaj të Mallakastrës, pasi kishte rënë aksidentalisht nga një lartësi prej rreth 50 metrash.
Ngjarja ndodhi teksa Fluturim Salobehaj, banues në fshatin Selitë të Mallakastrës, dyshohet se po përpiqej të riparonte një tubacion uji pranë zonës.
Të lidhura
None found
Pasditen e sotme, familjarët e gjetën atë të plagosur dhe lajmëruan menjëherë Policinë.
Forcat zjarrfikëse të Mallakastrës mbërritën në vendngjarje dhe, megjithëse u përballën me terren të vështirë malor, arritën ta nxirrnin 51-vjeçarin nga humnera.
Salobehaj ka mbijetuar, por ka pësuar disa fraktura. Ai po transportohet drejt Spitalit Rajonal të Fierit, ku do të marrë trajtimin mjekësor.
