Ditën e djeshme në media u denoncua një shofer i linjës Kamzë-Bërxullë, i cili drejtonte automjetin në mënyrë të papërgjegjshme.
Shoferi shihet me telefon në dorë ndërkohë që mban timonin me bërryla gjatë kohës që drejton mjetin.
“Shoferit të linjës Kamëz-Bërxull i duket vetja Schumacher, i jep timonit me bërryla ndërkohë që mban telefonin me dy duar dhe sheh TikTok”, thuhej në denoncimin e djeshëm.
Policia rrugore bën me dije se ka ndëshkuar me masën administrative 15 000 lekë, drejtuesin e autobusit , i cili është filmuar nga pasagjerët, duke përdorur celularin gjatë drejtimit të automjetit, në kundërshtim me nenin 171 të Kodit Rrugor.
Policia i bën thirrje shoferëve dhe qytetarëve që të zbatojnë rregullat e qarkullimit rrugor për të shpëtuar jetë./albeu.com/
