Policia spanjolle ka shkatërruar një bandë të narkotrafikut në provncat e Murcias dhe Alivantes, duke arrestuar 26 perosna mes tyre edhe shqiptarë.
Sipas mediave iberike banda kishte në përbërje shqiptarë dhe spanjollë dhe kishte disa kohë që dërgonin maijuanë nga Spanja në drejtim të Gjermanisë, duke e fshehur në kuti kartoni, nëpërmjet kompanive postare.
Siç sqarohet të martën nga Policia Kombëtare dhe Garda Civile, anëtarët e kësaj organizate kriminale blenë sasi të mëdha kanabisi dhe vaji marihuanë për t’i dërguar më pas, të fshehura dhe të kamufluara brenda kutive të kartonit në pika të ndryshme shitjeje në Gjermani.
Si masë sigurie, një pjesë e madhe e lëndës narkotike të grumbulluar u transferua në Barcelonë, ku ruhej në pritje të dërgesës së mëvonshme në nivel ndërkombëtar të fshehur në kuti kartoni. Dërguesit dhe marrësit e këtyre dërgesave ishin gjithmonë fiktive në përpjekje për të vështirësuar origjinën e tyre të vërtetë në rast se ato zbuloheshin.
Për të kryer çmontimin e organizatës, janë regjistruar 16 prona në Murcia, Torrevieja, Alicante dhe Barcelona, ku u gjetën 500 kilogramë kanabis të paketuara dhe të përgatitura në mënyrë perfekte për shitje, lëndë të tjera narkotike si heroinë dhe kokainë, nëntë automjete të përdorura nga grupi kriminal dhe më shumë se 70 mijë euro cash. Nga 26 personat e arrestuar, me kombësi shqiptare dhe spanjolle, 13 prej tyre janë lënë në burg.
