Pasditen e së mërkurës, qyteti i Elbasanit dhe zonat përreth u përfshinë nga rrebeshe të dendura shiu, të cilat sollën probleme të përkohshme në qarkullimin rrugor.
Për tre ditë me radhë, qarku i Elbasanit është karakterizuar nga mot i paqëndrueshëm. Gjatë paradites kanë mbizotëruar temperatura të larta, ndërsa në orët e pasdites janë regjistruar reshje të forta dhe stuhi lokale.
Të lidhura
None found
Reshjet e kësaj pasditeje, të shoqëruara edhe me aktivitet elektrik dhe shkarkesa të shumta rrufesh, kanë qenë shumë intensive për disa minuta, duke reduktuar ndjeshëm shikueshmërinë në rrugët kryesore.
Vështirësi në lëvizjen e automjeteve janë raportuar sidomos në aksin Elbasan–Peqin, ku drejtuesit e mjeteve janë përballur me kushte të vështira për qarkullim.
Policia u ka apeluar shoferëve të tregojnë kujdes të shtuar, të ruajnë distancën e sigurisë dhe të përshtasin shpejtësinë sipas kushteve të motit.
