Gjatë një interviste të martën në emisionin “Now” me Erla Mëhillin, lideri i Partisë Mundësia, Agron Shehaj, ka reaguar ashpër ndaj deklaratës së fundit të kryeministrit Edi Rama. Rama e kishte akuzuar Shehajn se kishte marrë një dokument nga Kuvendi i Shqipërisë, por për kreun e Mundësisë kjo akuzë është e papranueshme për shkak të rrethanave që rëndojnë mbi qeverinë.
“Ai guxon të përmendë termin hajdutëri. Kur ke dy zëvendëskryeministra nën hetim nga SPAK, kjo është e pabesueshme. Erion Veliaj ndodhet prej dy vitesh në qeli, i dyshuar për vjedhje të fondeve të shqiptarëve. Dhe këto nuk janë akuza të mediave apo të opozitës, por të vetë drejtësisë së cilën ky e ka ngritur dhe e ka përkrahur. Tani ai po përpiqet t’i shpëtojë burgut dhe më quan mua hajdut, sepse unë mbrova një të drejtë. Ky është paradoksi më i madh i këtij vendi,” u shpreh Shehaj.
Të lidhura
None found
