Rastet e salmonelës, të cilat janë raportuar kryesisht te fëmijët që kanë konsumuar vezët “Kinder Surprise”, kanë sjellë shqetësim në të gjithë Europën, përfshirë dhe vendin tonë.
Në Britani, një nënë raportoi në llogarinë e saj në Facebook simptomat e vajzës së saj trevjeçare, pasi kishte konsumuar më parë një nga produktet e çokollatës Kinder.
Të lidhura
None found
Sipas Charlotte Wingfield, e vogla Brooklyn May ka qenë shumë keq, me temperatura të lartë dhe nga 24 orë që ka dita, 21 i kalonte në gjumë.
“Brooklyn-Mai ka qenë kaq keq që kur e mora nga çerdhja të hënën. Duke qenë se isha shumë sëmurë javën e kaluar, nuk mendova asgjë për këtë veçse mund të kishte një virozë. Kjo derisa ajo fjeti 21 nga 24 orë në vijim dhe e zinte ghumi ndërsa po bënte gjëra. Temperatura i shkoi në 39 gradë dhe u përpoqa ta qetësoja. E kuptova që diçka nuk shkonte me të, kështu që fola me mjekun e përgjithshëm, i cili më përshkroi një liste të problemeve që mund të kishte. U largova nga spitali sërish duke menduar se ka ndonjë virozë. Por më pas, pasi pashë lajmet, kuptova se ajo e kishte nga salmonela në vezët Kinder që hëngri disa ditë më parë. Ju lutem, kontrolloni çokollatat Kinder”, shkruan nëna në Facebook.
