Të paktën 6 persona kanë humbur jetën dhe rreth 30 të tjerë janë zhdukur pas një rrëshqitjeje dheu në rajonin malor Ratsa në veriperëndim të Gjeorgjisë, njoftuan sot autoritetet e vendit.
Dy trupa janë gjetur pas rrëshqitjes së dheut që ndodhi dje, të enjten, pas reshjeve të dendura në këtë rajon ku ka shumë resorte dhe katër të tjerë sot, njoftoi Ministria e Brendshme e Gjeorgjisë në dy njoftime të veçanta.
Drone footage shows devastation amid landslide in Georgia’s western region of Racha pic.twitter.com/rWmyqaP7mq
— Formula NEWS | English (@FormulaGe) August 4, 2023
“Në zonën e fatkeqësisë, në bashkinë Oni, ekipet e shpëtimit vijojnë punën pa ndërprerje. Deri më tani, gjashtë trupa janë nxjerrë gjatë operacioneve të kërkimit ”, tha ministria në një deklaratë në Facebook.
Nga ana e tij, ministri i Infrastrukturës Irakli Karselatze, i cili shkoi në vendngjarje, foli për rreth 30 persona të zhdukur.
“Për momentin, janë 35 persona që nuk mund të kontaktohen ,” tha ai, sipas mediave gjeorgjiane.
Heartbreaking news from #Racha, #Georgia‘s region: a massive landslide has resulted in the loss of two lives, and 50 people are still missing, including a mother and her three kids. Rescuers are doing everything possible. Praying for all those affected. ?? pic.twitter.com/l11oxiJ5r9
— Ramazi Chichinadze (@rmzchi) August 3, 2023
Kryeministri Irakli Garibashvili mbërriti sot në zonën e katastrofës, sipas një deklarate nga qeveria gjeorgjiane.
Rrëshqitja e dheut ndodhi dje pas shirave të rrëmbyeshëm prej disa ditësh pranë një hoteli në Sovi, një destinacion i vogël turistik në malet e rajonit Ratsa.
Rrëshqitja e dheut ka shkaktuar dëme në banesa, linja elektrike, rrugë dhe ura. /Albeu.com/
