Kështu do të duhej të dukej nga 10 nëntori i këtij viti hyrja në Bashkimin Evropian dhe në Zvicër, Norvegji, Islandë e Lihtenshtajn – vende anëtare të zonës së lëvizjes së lirë Schengen – për qytetarët e rreth 60 vendeve, përfshirë edhe ata të Ballkanit Perëndimor.

Në atë kohë do të fillojë të funksionojë sistemi i ri i hyrje-daljeve (Entry/Exit System – EES), i cili është krijuar në nëntor të vitit 2017, por se zbatimi i tij është shtyrë disa herë.

Për verën e ardhshme është paralajmëruar zbatimi edhe i Sistemit të dytë Evropian të Informacionit dhe Autorizimit të Udhëtimit (ETIAS), i cili u kërkon udhëtarëve nga vendet që kanë regjim pa viza me BE-në, të aplikojnë online për lejen e hyrjes, duke paguar një tarifë prej shtatë eurosh me kartelë bankare.

Pasaportat në të gjitha vendet e Ballkanit Perëndimor janë biometrike, çipat e tyre përmbajnë shenja gishtash dhe fotografi – çfarë i bën plotësisht në përputhje me kushtet që ka kërkuar BE-ja në mënyrë që vendet e Ballkanit Perëndimor të kenë regjim pa viza.

Kushtet e përgjithshme – që dokumentet e udhëtimit të mos skadojnë në më pak se tre muaj nga data kur personi planifikon të kthehet në vendin e tij ose që pasaporta të mos jetë më e vjetër se dhjetë vjet – do të vazhdojnë të mbeten në fuqi.

ETIAS do t’u kërkojë qytetarëve të rreth 60 vendeve të plotësojnë një formular të veçantë nëpërmjet internetit ose aplikacionit celular, përpara se të udhëtojnë.

Me rastin e plotësimit të aplikacionit për herë të parë, pasagjeri fut të dhënat personale, emailin dhe numrin e telefonit, si dhe detajet e dokumentit të udhëtimit.

Udhëtari do të duhet, gjithashtu, të fusë detaje rreth arsimit dhe punësimit aktual, si dhe detaje rreth udhëtimit të planifikuar dhe qëndrimit në vendin e BE-së.

Do të kërkohen edhe detaje për çdo dënim penal, për udhëtime në të kaluarën në zona lufte ose zona konflikti, si dhe informacione nëse personi është dëbuar nga ndonjë vend.

Udhëtarët do të duhet të paguajnë edhe një tarifë shtesë prej shtatë eurosh, me kartelë bankare. Pagesa do të bëhet si për çdo blerje online.

Tarifa nuk do të paguhet nga personat nën 18 vjeç dhe mbi 70 vjeç, bashkëshortët/partnerët e regjistruar dhe fëmijët e shtetasve të BE-së dhe të vendeve të zonës Schengen, si dhe fëmijët e bashkëshortëve/partnerëve që vijnë prej jashtë BE-së.

Aplikimi “grupor” nuk do të jetë i mundur – pra në rast të udhëtimit familjar, çdo anëtar do të duhet të aplikojë veçmas për ETIAS-in.

Sistemi ETIAS do të jetë i disponueshëm në gjuhët e vendeve anëtare dhe sistemi do të pranojë vetëm shkronja latine.

Udhëtari do të mund të ndalojë plotësimin e aplikacionit, t’i ruajë ndryshimet dhe të vazhdojë të fusë të dhëna brenda 48 orësh.

Siç thuhet në faqen zyrtare të sistemit ETIAS, përpunimi duhet të zgjasë “disa minuta”.

Nëse zgjat më shumë, pasagjeri duhet ta marrë njoftimin brenda katër ditësh.

Pasagjerëve mund t’u kërkohen edhe informacione ose dokumente shtesë – si për shembull konfirmimi i rezervimit të hotelit dhe konfirmimi i punësimit – të cilat duhet të dorëzohen brenda dhjetë ditësh. Në atë rast, kërkesa duhet të shqyrtohet brenda dy javësh.

Udhëtari mund të ftohet për intervistë në ambasadën e vendit ku planifikon të udhëtojë dhe në atë rast kërkesa shqyrtohet brenda 30 ditësh.

Prandaj, udhëtarët këshillohen që ta plotësojnë formularin së paku një muaj përpara se ta blejnë biletën apo ta rezervojnë akomodimin.

Nëse udhëtarit i lejohet hyrja në BE, ai do ta marrë njoftimin me email.

Leja ETIAS do të jetë e vlefshme për tre vjet, ose derisa të zëvendësohet dokumenti i udhëtimit me të cilin udhëtari ka aplikuar.

Formulari është i lidhur me dokumentin e udhëtimit, që do të thotë se është i vlefshëm vetëm me pasaportën me të cilën ka aplikuar udhëtari.

Pasaporta e re nënkupton aplikim të ri.

Nëse ETIAS-i paguhet dhe miratohet për udhëtimin në një vend, ai është gjithashtu i vlefshëm edhe për një vend tjetër.

Leja ETIAS nuk do të thotë që një person mund të qëndrojë në BE për më shumë se 90 ditë në një periudhë gjashtëmujore, ose të punojë në BE.

Udhëtari do të mund të hyjë dhe të dalë nga BE-ja sa herë të dojë dhe të udhëtojë në çdo destinacion brenda zonës Schengen gjatë periudhës së vlefshmërisë së lejes dhe për aq kohë sa ai e respekton afatin e specifikuar kohor.

Prindërit e plotësojnë formularin për fëmijët e tyre të mitur, të cilët janë të përjashtuar nga pagesa e tarifës prej shtatë eurosh.

Gjithkush mund të autorizojë një palë të tretë – një person tjetër ose një ndërmjetës tregtar – që të aplikojë në emër të tij ose në emër të fëmijëve të tij të mitur.

Me një ndërmjetës – për shembull nga një agjenci udhëtimesh – deklarata e përfaqësimit duhet të nënshkruhet për çdo person individualisht dhe e njëjta gjë vlen në rast se një mik, fqinj, vajza ose djali aplikon për një person.

Personi ose kompania që është ndërmjetëse, do të duhet, gjithashtu, t’i fusë të dhënat e veta.

Ndërmjetësi ka të drejtë të kërkojë një “tarifë të arsyeshme” dhe BE-ja ka parashikuar mundësinë e raportimit anonim të atyre që kërkojnë pagesa të larta.

Ata që vendosin të aplikojnë përmes një ndërmjetësi, këshillohen të kontrollojnë veçanërisht nëse informacioni në aplikacion është i saktë, përpara se ta dërgojnë atë, sepse në rast të ndonjë gabimi, aplikacioni mund të refuzohet ose anulohet.

Në rast se udhëtari vëren ndonjë gabim, ai mund ta plotësojë një aplikacion të ri ose të kërkojë korrigjimin e gabimit në aplikacionin e vjetër. Procedura e përpunimit në atë rast zgjat deri në 30 ditë.

Formulari ETIAS nuk do të duhet të plotësohet nga personat që kanë vizë të vlefshme – studentore, pune ose të ngjashme – ose leje qëndrimi në një vend të BE-së.

Formulari nuk plotësohet as nga personat që jetojnë përgjatë kufirit dhe posedojnë kalime kufitare.

Anëtarët e ekuipazhit në anije dhe avionë për disa vende të BE-së do të kenë nevojë për formularin ETIAS.

Përjashtime bëhen në rast të rrezikimit të jetës së aplikuesit apo të të afërmit, vajtjes në varrim të një familjari, detyrimit për t’u paraqitur në gjykatë apo ndonjë “detyrimi të rëndësishëm”.

Në atë rast, udhëtari e plotëson aplikacionin ETIAS për të ashtuquajturën leje të kufizuar që e tregon arsyen.

Leja lëshohet nga shteti në të cilin personi udhëton dhe është e vlefshme për të udhëtuar vetëm në atë vend për maksimum 90 ditë.

Për shembull, nëse bëhet fjalë për të shkuar në një funeral, një vend i BE-së mund ta lejojë hyrjen vetëm për ditët e varrimit.

Nëse personi, ndërkohë, aplikon dhe merr një ETIAS të dytë për udhëtim në të gjitha vendet e Schengenit, leja e kufizuar automatikisht bëhet e pavlefshme.

Personave pa autorizimin ETIAS do t’u refuzohet hyrja në kufi.

Edhe marrja e kësaj certifikate nuk nënkupton që udhëtarit do t’i lejohet automatikisht hyrja në vendin e BE-së.

Të gjithë udhëtarët do të kontrollohen dhe një oficer kufitar mund t’ia refuzojë hyrjen një personi që nuk i plotëson kërkesat.

Disa nga kushtet për hyrje janë: dokument i vlefshëm i udhëtimit për së paku tre muaj nga data e kthimit të planifikuar; pasaporta të mos jetë më e vjetër se dhjetë vjet; qëndrimi të jetë i justifikuar dhe personi të ketë para të mjaftueshme deri në kthimin e planifikuar.

Shuma e zakonshme është rreth 100 euro në ditë dhe varet nga shteti anëtar i BE-së.

Disa nga arsyet e refuzimit të hyrjes lidhen me kërcënimet për sigurinë ose shëndetin.

Nëse kërkesa për ETIAS refuzohet, revokohet ose anulohet, personi do ta marrë një email që i tregon arsyet e refuzimit dhe emrin e autoritetit që e ka marrë vendimin.

Ekziston mundësia e apelimit dhe emaili do të përmbajë informacione se në cilin vend ose shtet mund të apelohet. Ankesat trajtohen në përputhje me ligjet e atyre vendeve.

Një person, aplikimi i të cilit refuzohet, mund të aplikojë sërish për lejen ETIAS.

Nëse një person e revokon kërkesën e tij, ai nuk mund të ndryshojë mendje më pas, por duhet të plotësojë një formular të ri.

Tarifa nuk rimbursohet nëse aplikacioni refuzohet.

Me futjen e EES-it, mbetet skanimi i dokumenteve të udhëtimit, ndërsa vulosja e pasaportave në pikën kufitare ndalon.

Megjithatë, marrja e shenjave të gishtërinjve dhe fotografimi, që do të bëhen në çdo pikë kufitare, mund t’i zgjasin pritjet në radhë.

Në aeroporte, kontrollet do të kryhen pas aterrimit.

Shtetet anëtare i kanë ndryshuar disa ligje për t’i reduktuar tollovitë e mundshme në vendkalimet tokësore.

Sistemi i ri EES është krijuar për t’i bërë bazat e vendeve anëtare të BE-së më të lidhura, për ta lehtësuar gjurmimin e kohës dhe vendit të qëndrimit dhe për të siguruar që udhëtarët nuk qëndrojnë më shumë se 90 ditë brenda një periudhe gjashtëmujore.

Një nga qëllimet e masave të reja është të vështirësohet hyrja e kriminelëve apo terroristëve në BE me pasaporta false, pasi kontrolli biometrik do të kryhet sa herë që kalohet kufiri.

Pasagjerët nuk do të paguajnë tarifë për ofrimin e të dhënave biometrike.

Të dhënat do të jenë të qasshme për shërbimet policore të vendeve anëtare të sistemit Schengen dhe agjencinë policore, EUROPOL, gjatë hetimeve penale, sidomos terrorizmit dhe krimit të organizuar.

Kontrollet e të dhënave biometrike do të rriten në mes të vitit 2025, por data e saktë nuk është përcaktuar.

Sisteme të ngjashme kanë krijuar tashmë Shtetet e Bashkuara të Amerikës, Kanadaja dhe Australia./REL

The post Çfarë duhet të dinë qytetarët e Ballkanit Perëndimor për rregullat e reja të hyrjes në BE? appeared first on Albeu.com.

Banori vendas Kham-u, 62 vjeç, thotë se vendasit kanë lënë mënjanë mënyrën e vjetër të të jetuarit dhe se zakonet moderne po prishin traditën, duke fajësuar për këtë vdekjet e të rinjve nga sëmundje që nuk kanë qenë kurrë fatale më parë. Tashmë sipas rregullave të reja fshatarët nuk mund të sjellin trupa të vdekurish në fshat dhe nuk mund të vrasin kafshë me katër këmbë në territorin e Ban Khop Klang Nuea.

Rezidentët kanë caktuar gjithashtu data të sakta se kur mund të sillen në fshat orizi, barërat, druri i zjarrit, dheu e gurët, shkruan rrjeti Thaiger. Qymyri ndalohet të fytet në shtepi të caktuara të fshatit, ndërsa banorët kanë caktuar kohë të veçanta për djegien e drurit që kthejnë në qymyr. Ata kanë hartuar gjithashtu mënyra të caktuara për transportimin e mishit, duke ndaluar varjen e këmbëve të lopëve. Megjithëse rregullat duken të pazakonta, Kham-u thotë se ato kanë ndaluar vdekjet e sëmundjet e papritura duke ndaluar afrimin e shpirtrave të këqij.

Për këta të fundit kryhet një ritual me simbole e objekte të vendosura në hyrje të fshatit. I vjetri i fshatit Pattama Prathumwan, thotë se ata që shkelin rregullat gjobiten 500 bat ($12) dhe paralajmërojnë të tjerët të tregojnë respekt ndaj rregullave edhe pse janë të pazakonta.

The post Fshati cakton rregulla të pazakonta për të mbajtur larg ‘shpirtrat e ligë’ pas vdekjeve misterioze appeared first on Albeu.com.

Bardhi deklaroi se tani ky Parlament nuk i njeh më rregullat e shkruara, po rvetëm urdhrat e Ramës dhe bandës së tij.

Bardhi: “Besoj edhe sot e patë pavarësisht se me një urdhër të paligjshëm pjesa dërrmuese e deputetëve të opozitës nuk u lejuan të hynin në sallë, edhe pse s’kanë bërë asnjë shkelke. Përsëri grupi i PD vijoi aksionin për t’i shpjeguar shqiptarëve se ky nuk është një Parlament normal, dhe sa kohë opozitës i mohohen të drejtat kushtetuese, nuk mund të ketë falsitet. Unë dua të apeloj edhe njëherë mazhorancën dhe kryetaren e Kuvendit që të rishohë pozicionin e saj përket kërkesave legjitime të opozitës dhe të heqë dorë nga arroganca, nga masat që tentojnë të shtypin opozitën në Parlament.

Unë jam përjashtuar nga Kuvendi sepse nuk u lejoka për 45 minuta pa pasur asnjë pengesë ligjore, të futem në sallën e seancave plenare. Dhe për shkak të këtij akti i kërkova llogari kryetares së Kuvendit për pengesën që iu bëri deputetëve. Vetëm për këtë shkak jam përjashtuar. Kjo tregon që për këtë Parlament nuk ka më rregulla të shkruara, mjafton vetëm urdhri i Ramës dhe i bandës së tij”, u shpreh ai.

The post Gazment Bardhi: Për këtë Parlament nuk ka rregulla të shkruara, mjafton urdhri i Ramës appeared first on Albeu.com.

Hulumtimet shkencore kanë vërtetuar se zakoni për të rregulluar shtratin tuaj çdo ditë ka një ndikim të drejtpërdrejtë në shëndetin tuaj mendor. Sipas një studimi të kryer nga socio-ekonomisti, Randall Bell, ata që janë mësuar të mbajnë hapësirën e tyre personale dhe shtratin e tyre, të pastër dhe të rregullt, priren të fitojnë më shumë para.

Si pjesë e kërkimit të tij, Randall Bell foli me 5000 njerëz në mbarë botën, duke përfshirë profesionistë, studentë, pensionistë, të papunë dhe milionerë.

Gjetjet janë shumë mbresëlënëse, pasi ai tha se ata që rregullojnë shtratin e tyre në mëngjes kanë deri në 206.8% më shumë gjasa për t’u bërë milionerë, pasi ky proces e vendos mendjen në një mentalitet produktiv. Njerëzit që rregullojnë shtratin çdo mëngjes kanë më shumë gjasa të kenë të ardhura më të larta dhe të jenë më të kënaqur me jetën e tyre.

Por përveç rregullimit të shtratit, socio-ekonomisti vëren se ka edhe disa zakone të tjera “të pasura”, siç i quan ai. Një prej tyre është zgjimi herët në mëngjes, të paktën tre orë para fillimit të punës. Për shembull, në orën 6:00 të mëngjesit ndikon mirë.

Vesi tjetër nuk do t’ju habisë edhe aq. Randall Bell, megjithatë, thotë se njerëzit më të suksesshëm gjejnë gjithmonë kohë për të ushtruar. Merrni për shembull Mark Zuckerberg i cili nuk humbet kurrë një stërvitje jiu jitsu.

The post Doni të bëheni milioner? Ndiqni këto rregulla appeared first on Albeu.com.

Një stjuardesë, Tommy Cimato, vendosi të na japë përmes një videoje në TikTok të tij disa këshilla të thjeshta udhëtimi që duhet të ndjekim.

Një këshillë për të cilën shumë prej nesh mund të jenë fajtorë është heqja e këpucëve gjatë një fluturimi. Të pushosh me çorape mund të mos tingëllojë aq keq, por të ecësh zbathur nëpër korridorin e aeroplanit është gjëja më e keqe.

“Mos ecni zbathur, mos hiq këpucët, dyshemetë janë të pista. Unë shoh kaq shumë njerëz që e bëjnë këtë, nuk është e shëndetshme, mos e bëj”, shpjegoi stjuardesa.

Tommy vazhdoi të thoshte se “mospërfillja e stjuardesave kur ata tregojnë protokollin e sigurisë” është një tjetër gabim për pasagjerët.

“Mos i injoroni demonstrimet e sigurisë së stjuardesave. Në rast të pamundur që të ndodhë diçka, nëse i kushtoni vëmendje, keni një shans 80% më të mirë për të mbijetuar”, theksoi ajo.

Këshilla e fundit dhe më e rëndësishme e udhëtimit të Tommy-t është të mos ngriheni sapo të ulet avioni. Me pak fjalë, TikToker nënvizoi: “Mos u ngrini sapo avioni të ulet, nuk është e sigurt”.

“Gjëja më e keqe që bëjnë njerëzit në një aeroplan është të ngrihen sapo ai ulet. Më vjen keq, por nëse ngrihesh, thjesht do të kuptoni se nuk do të shkoni askund për 15 minuta”, shkroi një TikToker që ngarkoi një video të kushteve në pothuajse çdo aeroplan pas uljes.

The post Disa rregulla bazë që duhet të ndiqni kur udhëtoni me avion appeared first on Albeu.com.

Teknologjia nuk ka pse të vijë me ju me pushime

Jo për pajisjet. Çdo lloj. Lëreni teknologjinë në shtëpi sepse nuk do t’ju nevojiten kompjuterët, tabletët apo orët inteligjente gjatë pushimeve. Eliminoni mendimin që ju çon në emergjenca të mundshme në punë, nevojën për të qenë gjithmonë vigjilent ose ndonjë detyrë absolutisht të nevojshme. Është thjesht një justifikim për të mbajtur kontrollin me të cilin jeni mësuar gjatë gjithë vitit.

Mos harroni se edhe në një emergjencë pune nuk jeni të pazëvendësueshëm. Ata që kanë mbetur pas do të gjejnë një zgjidhje pa ju drejtuar domosdoshmërisht. Nuk është e lehtë të ndahesh me smartfonin tënd, por nëse vërtet dëshiron të rilindësh, duhet të minimizosh përdorimin e tij.

Nëse ia jepni vetes këtë mundësi, pushimet e ardhshme do t’i përjetoni me më shumë qetësi. Dhe do të ktheheni më të lumtur se kur u larguat.

Më pak është më shumë

Këmbë të zbathura, pa grim, kontakt me natyrën dhe shiko sa më pak orën. Nëse vërtet dëshironi të rilindni, duhet të mësoni të lidheni sërish me emocionet tuaja. Hani kur jeni të uritur – dhe mos shikoni kohën – notoni sa të doni, riaktivizoni shqisat tuaja falë detit apo malit. Sa më shumë të vini në kontakt me pesë shqisat tuaja, aq më shumë do të përfitoni.

Jo krahasimeve sociale

Gjithmonë do të ketë nga ata që do të kalojnë pushimet më të bukura, me miqtë e tyre më të mirë ose do të përjetojnë diçka të bukur që ju nuk do ta përjetoni. Harroje. Fikni mediat sociale dhe përkushtojuni asaj që po përjetoni.

Jo për krahasimet – por po për të shijuar përvojën që keni zgjedhur me entuziazëm për veten tuaj.

Bëj diçka të re

Për t’u rinovuar me të vërtetë dhe për t’i bërë pushimet tuaja të paharrueshme, duhet të bëni diçka të re, ndryshe. Ju duhet të përjetoni një herë të re të parë që do të jetë e paharrueshme. Synoni për një sport të ri, një përvojë të re, vizitoni një qytet të panjohur ose përjetoni një aventurë të papritur. Lërini mendimet tuaja në shtëpi dhe ndiqni instinktet tuaja.

The post 4 rregulla që duhet të ndiqni për t’u kthyer më të lumtur nga pushimet appeared first on Albeu.com.

Por çfarë duhet të bëjmë dhe si të veprojmë në rastet kur ka goditje tërmeti dhe ndodhesh brenda në shtëpi?

Asgjë nuk është e pamundur nëse tregoheni vigjilentë dhe të mbani mend të paktën 10 rregulla të emergjencës.

1 – Informohu

Informohuni mbi klasifikimin sizmik ku ndodhet vendi ku jeton. Duhet të dish se si të ndërtosh një ndërtesë që i reziston lëkundjeve të mëdha sizmike. Përveç kësaj duhet të dish se ku ndodhen rubinetët e gazit, ujit apo qarkut elektrik. Gjatë një tërmeti mund të pësojnë dëme dhe duhet të dish ku të vendosësh duart.

2 – Mos vendosni objekte të rënda në rafte

Nëse jetoni në një zonë me aktivitet të lartë fizik, është mirë që objekte të rënda të mos i vendosni nëpër rafte, apo dollapë, për shkak se mund të bien gjatë lëkundjeve dhe bëhen mjaft të rrezikshme. Gjithashtu mobiljet e rënda duhet të fiksohen në mur pasi mund tu bien sipër.

3 – Kutia e ndihmës së shpejtë

Është shumë e rëndësishme të mbani në shtëpi një kuti të ndihmës së shpejtë ku të keni vendosur dhe një elektrik dore, pasi gjatë tërmeteve të fuqishëm ka mungesë të energjisë elektrike. Të gjithë anëtarët e familjes duhet të dinë se ku ndodhen këto objekte.

4 – Qëndroni poshtë dyerve

Kjo është një gjë që dihet, por gjithsesi duhet zbatuar. Gjatë një tërmeti, nëse ndodheni në një vend të mbyllur qëndroni poshtë dyerve dhe mundësisht afër një kolone betoni. Edhe trarët e çative ju mbrojnë nga një shembje e mundshme.

5 – Futuni poshtë tavolinës

Gjatë tërmetit është e rrezikshme të qëndroni pranë objekteve që lëvizin, pasi mund t’iu bien sipër, kështu që mund të futeni dhe poshtë tavolinës.

6 – Mos vraponi drejt shkallëve, apo ashensorit

Në të vërtetë shkallët janë pjesa më e dobët e një ndërtese, por nga frika njerëzit tentojnë të dalin menjëherë nga banesa. Madje edhe ashensori nuk duhet të përdoret pasi bllokohet.

7 – Largohuni nga objektet në ndërtim

8 – Qëndroni larg liqeneve, plazheve dhe urave

9 – Mos përdorni telefonin apo makinën

10 – Mos jini kureshtarë për të parë gjithçka

Qëndroni në çadrat e ngritura nga grupet e emergjencave dhe jo duke u endur vërdallë për të shmangur ndonjë dëmtim të mundshëm. Pra, mos jini kureshtar.

The post Rregullat e “arta”, çfarë duhet të bëni kur bie tërmet appeared first on Albeu.com.

Enti Rregullator i Energjisë njoftoi këtë të enjte se tashmë janë miratuar rregullat për ndarjen e kapaciteteve për zgjerimin e gazsjellësit.

“Autoritetet Rregullatore të Shqipërisë (ERE), Greqisë (RAE) dhe Italisë (ARERA) miratuan së bashku rregullat për fazën e parë detyruese të procesit të rritjes së kapacitetit të Gazsjellësit Trans Adriatik (TAP).

Procesi drejtohet në koordinim ndërmjet Operatorëve të Sistemit të Transmetimit fqinjë, TAP, SBAM Rete Gas dhe DESFA, sipas Rregullores (BE) 2017/459.

Ai synon shpërndarjen e kapaciteteve rritëse afatgjata në pikat ekzistuese ose të reja të ndërlidhjes (IP) përgjatë gjurmës së TAP dhe do të rrisë vëllimet e gazit të importuar në Europë.

Pikat e Interkonjeksionit në fjalë janë: Kipoi (TR – GR), Komotini (GR), Nea Mesimvria (GR), Kuçovë (AL), Relievi Rosckovec (AL), Fier (AL), dhe Melendugno (IT)”, bëri të ditur ERE.

Sipas njoftimit projekti i rritjes së kapacitetit parashikon katër nivele të mundshme zgjerimi në hyrje në Kipoi (minimum, i kufizuar, i pjesshëm dhe i plotë), në varësi të nivelit të rezervimit, duke çuar në një zgjerim të mundshëm të plotë deri në 27 MSm3/D.

“Faza e detyrueshme do të nisë më 14 nëntor dhe ofertat mund të dorëzohen në janar 2023. TAP është pjesë e Korridorit Jugor të Gazit, që transporton gaz natyror në Europë nga fusha e Shah Deniz II në Azerbajxhan. Duke u lidhur me gazsjellësin Trans Anatolian në kufirin greko-turk, TAP kalon Greqinë Veriore, Shqipërinë dhe Detin Adriatik përpara se të dalë në breg në Italinë Jugore për tu lidhur me rrjetin Italian të gazit natyror”, thuhet në njoftim.

Gazsjellësi TAP nisi operimet tregtare në nëntor të vitit 2020. TAP kalon në tre shtete në Greqi në 550 kilometra, Shqipëri 215 kilometra, nën setin Adriatik 105 kilometra dhe në brigjet e Italisë 8 kilometra./REL

The post Ndarja e kapaciteteve për zgjerimin e TAP, rregullatorët miratojnë rregullat appeared first on Albeu.com.

Në një intervistë të gjërë në Doha, Nasser Al Khater tha gjithashtu për “Sky News” se kritikat e qëndrueshme ndaj turneut mund të konsiderohen raciste.

Ai tha:

Tifozët homoseksualë do të jenë të mirëpritur të shfaqin flamurin e tyre.

FIFA do të duhet të vendosë për kapitenët që do të mbajnë shkrimin “One Love” ndërsa paralajmëron kundër mesazheve politike nga ekipet.

Do të krijohen zona ku tifozët e dehur do të kthjellohen.

95% e biletave janë shitur.

Kupa e parë botërore e Lindjes së Mesme hapet më 19 nëntor, kulmi i një rrugëtimi 12-vjeçar që kur Katari fitoi një votë të ndotur gjerësisht nga FIFA, organi ndërkombëtar qeverisës i futbollit.

Në atë kohë, Al Khater është ngritur në krye të komitetit suprem që mbikëqyr planifikimin e Katarit dhe ka qenë në vijën e kritikave.

Një grup vendesh evropiane, duke përfshirë Anglinë dhe Uellsin, e kanë kaluar ndërtimin e Kupës së Botës duke theksuar shqetësimet në lidhje me vuajtjet e punëtorëve migrantë dhe pretendimet për pamjaftueshmërinë e financimit të kompensimit të Katarit.

Al Khater tha për Sky News: “Shumë njerëz që flasin për këtë çështje mbi mirëqenien e punëtorëve… nuk janë ekspertë në industri. Dhe ata nuk janë ekspertë në atë që po flasin.

Dhe unë ndjej se ata ndihen të detyruar, se duhet të flasin. Mendoj se ata duhet të lexojnë vërtet dhe të edukojnë veten pak më shumë për atë që po ndodh në terren në Katar.”/ h.ll/albeu.com

The post Shefi i Kupës së Botës Katar: Tifozët e dehur do të dërgohen në zona speciale për t’u kthjelluar appeared first on Albeu.com.

Për t’jua bërë më të lehtë këtë proces një grup ekspertësh karriere zbuluan rregullat më të mëdha të pashprehura të intervistës së punës që ata dinë. Megjithëse ato nuk ndahen shpesh me kandidatët për punë, ato janë të vërteta që të gjithë duhet t’i dinë.

Rregulli #1: Intervistuesit duan një përmbledhje, jo një listë të gjithçkaje që keni bërë.

Kandidatëve për punë do t’u kërkohet një version i “Na tregoni për veten tuaj” dhe “Pse jeni të interesuar për kompaninë/rolin tonë? “tha Anyelis Cordero, themeluesi i Propel on Purpose Coaching , një shërbim stërvitor karriere i krijuar për profesionistët e gjeneratës së parë.

Ju mund të mendoni se thjesht mund të përsërisni atë që thotë CV-ja juaj. Por ky do të ishte një gabim.

“Intervistuesit do të presin që të jeni në gjendje të shpjegoni në mënyrë koncize lidhur me karrierën tuaj. Meqenëse shumica e intervistave janë 30 minuta, nëse nuk praktikoheni, do të bëni gabimin të shpenzoni shumë kohë për këtë përgjigje dhe nuk do të lini kohë të mjaftueshme për t’iu përgjigjur pyetjeve të tjera. Pyetjet e tjera të intervistës për punë vijnë gjithashtu me nëntekst të heshtur dhe pritshmëri. Dhe pyetja me pikante e intervistës ‘Na trego për veten’ është me të vërtetë një pyetje kompetence, përkushtimi dhe përputhshmërie.

Rregulli #2: Për të qenë një kandidat më i fortë, duhet të kuptoni rolin e secilit person me të cilin po intervistoheni.

Përshtatja e pyetjeve dhe përgjigjeve tuaja bazuar në rolet që kanë intervistuesit individualë është një nga rregullat më të mira të pashkruara për një intervistë të suksesshme, tha Daniel Space, një partner i lartë biznesi i burimeve njerëzore për kompanitë e mëdha të teknologjisë.

Mënyra se si i përgjigjem asaj që një koleg do të më pyesë në një intervistë do të jetë pak më ndryshe nga ajo që i them një menaxheri. Është e rëndësishme të hyni në një proces kërkimi pune duke ditur se si të tregoni historinë e karrierës suaj. Por nëse doni të jeni një kandidat edhe më i fortë, ju duhet më shumë se një histori për t’u treguar intervistuesve, sepse shpesh, ata informojnë njëri-tjetrin.

Rregulli #3: Gjuha e trupit tuaj bën një ndryshim të madh.

Laura Hunting, CEO e Found By Inc. , një agjenci talentesh dhe firmë kërkimore ekzekutive e specializuar në dizajn, tha se një rregull i pashprehur i intervistës për punë është se gjuha e trupit të një kandidati mund të flasë po aq me zë të lartë sa fjalët që ata thonë në të vërtetë.

“Jini të vetëdijshëm se si jeni ulur, çfarë po bëni me duart tuaja, shprehjen e fytyrës, kontaktin tuaj me sy. Gjuha juaj e trupit dërgon sinjale dhe ndikon në suksesin tuaj në një intervistë, pavarësisht nëse intervistuesi juaj është i vetëdijshëm për ndikimin e saj në reagimet e tyre apo jo,” tha Hunting.

Hunting rekomandon dhënien e shenjave të fytyrës dhe kontaktin me sy për të treguar se jeni një dëgjues aktiv. Është një hap i vogël, por mund të bëjë një ndryshim të madh.

Rregulli #4: Pavarësisht se sa mirë intervista ju bën të ndiheni për një punëdhënës të mundshëm, flisni me njerëzit që punojnë atje.

Bernadette Pawlik , një strateg karriere me 25 vjet përvojë në rekrutimin e ekzekutivit, tha se një nga rregullat e saj të pathëna është “Mos merrni kurrë një punë pa folur me kolegët tuaj”.

Biseda me kolegët që kanë punuar me shefin tuaj të ri të mundshëm do t’ju japë një pamje shumë më të qartë se si është kultura e menaxhimit dhe e kompanisë sesa çdo përgjigje e kujdesshme që ju jepet në një intervistë pune.

The post 4 rregulla në një intervistë pune që të gjithë duhet t’i dinë appeared first on Albeu.com.