“Do dyfishojmë buxhetin për shëndetësinë dhe arsimin”, deklaroi Berisha, duke shtuar se kjo është mënyra e vetme për të ndalur krizën në dy sektorët më jetikë të vendit.

Gjithashtu, Berisha theksoi se nuk do të ketë më mjekë e infermierë të papaguar denjësisht, duke premtuar rroga të dyfishuara dhe një pagë minimale prej 1500 eurosh për mësuesit.

Në përgjigje të mungesës akute të stafit mjekësor, Berisha u zotua se do të hapet një fakultet i dytë mjekësie, ndërsa do të rritet ndjeshëm numri i pranimeve në të dy institucionet përkatëse.

“Nuk përballohet më, eksodi i mjekëve ka krijuar një shterrim të frikshëm të personelit shëndetësor”, paralajmëroi ai.

Një tjetër pikë kyçe në planin e Berishës,  është ndarja e qartë mes sektorit publik dhe atij privat në shëndetësi, duke denoncuar bashkëpunimet “mafioze” që sipas tij, kanë degraduar sistemin.

“Aparaturat moderne janë të bllokuara me qëllim nga ata që duan të mbajnë të dobët sektorin publik”, u shpreh ai.

Berisha premtoi gjithashtu, që lista e barnave të rimbursueshme do të jetë identike me atë të Italisë dhe se në Shqipëri, nuk do të shitet asnjë ilaç që nuk është i certifikuar në të paktën dy vende të Bashkimit Evropian. “Garantojmë cilësinë dhe kapshmërinë e ilaçeve për çdo qytetar”, tha ai.

Duke kritikuar drejtimin aktual të Ministrisë së Shëndetësisë, Berisha e quajti atë “drejtimin më injorant dhe të paskrupullt në historinë e vendit”.

Kreu demokrat, krahasoi figurat aktuale me drejtues të shëndetësisë në periudha më të vështira të historisë së vendit, duke theksuar se edhe në diktaturë, “ministrat kishin integritet dhe dije”.

The post Berisha premton revolucion në Shëndetësi dhe Arsim: Dyfishim buxheti dhe rroga më të larta appeared first on Albeu.com.

Ndryshe nga herët e laluara, ku deputetët opozitarë bllokonin vetëm foltoren në Kuvend, këtë herë ata kanë zënë dhe karriget ku ulet kryeministri dhe ministrat në sallë.

Ka qenë mjaft e tensionuar seanca, ku ende pa nisur deputetët e opozitës kanë mësyrë në të gjitha karriget ku ulen anëtarët e kabinetit qeveritar duke i kthyer përmbys ato, për të treguar se nuk do të ketë më asnjë seancë plenare normale, pa u zbatuar më parë rregullorja e parlamentit sipas tyre.

Duke parë situatën jo normale në sallë nënkryetarja e Kuvendit, Ermonela Felaj, ka vendosur shtyrjen e seancës plenare.

Ndërkohë që deputetët e opozitës nuk kanë pranuar të largohen, madje kanë vijuar të mbajnë edhe fjalime në sallë në kushte jo normale.

Menjëherë pas urdhrit të Felajt për shtyrje të seancës plenare, në sallë janë fikur dritat, por kjo nuk ka penguar aspak ish-kryeministrin Sali Berisha që të mbajë fjalim në foltoren e Kuvendit përmes Facebook, dhe tu adresojë disa mesazhe qytetarëve.

Kujtojmë që grupi i drejtuar nga Sali Berisha kërkon përfshirje në komisionet parlamentare, pasi sipas tyre ata duhet të jenë përfaësuesit e qytetarëve në këto komisione, dhe jo pakica e drejtuar nga Lulzim Basha.

/Taulant Halili/ AlbEu.com/

The post Karrige të përmbysura, “rotacion” në qeveri dhe fjalime me drita fikur! Çfarë ndodhi sot në “Revolucionin” parlamentar appeared first on Albeu.com.

Nga Freddie Sayers “Unherd”

Përktheu Alket Goce – AlbEu

Për dekada, si një pasardhës i familjes Kennedy, Robert F.Kennedy Junior u cilësuar një hero i establishmenti politik në SHBA. Por vitet e fundit, retorika e tij kundër bllokimeve dhe vaksinave anti-Covid – duke kulmuar me deklaratën se vaksinimi i detyrueshëm ishte një akt më abuziv se ato të Gjermanisë naziste dikur – ka krijuar tek shumica e analistëve imazhin e një politikani të papërgjegjshëm dhe potencialisht të rrezikshëm.

Por 2 javë më parë ai shpalli kandidaturën e tij për president, duke sfiduar Joe Biden në garën brenda demokratëve. Në sondazhe ai renditet që tani në nivelin 20 për qind. Por çfarë premton ai se do të bëjë për SHBA-në dhe botën nëse arrin të fitojë?

Në intervistat që keni dhënë kohët e fundit ju e keni përdorur shumë herë fjalën “korporatizëm”, çfarë doni të thoni me këtë?

Kjo fjalë përshkruan dominimin e qeverisë, dhe veçanërisht të qeverive demokratike, nga pushteti korporativ. Unë kam kaluar 40 vjet duke luftuar në gjykata kundër agjencive të ndryshme qeveritare apo agjencive rregullatore në Shtetet e Bashkuara. Dhe mund t’ju them se Agjencia për Mbrojtjen e Mjedisit (EPA), drejtohet nga industria e naftës, industria e qymyrit dhe industria e pesticideve.

Kur isha në ekipin që denoncoi çështjen “Monsanto”, dhe arritëm një marrëveshje për pagimin e një dëmshpërblimi ndaj publikut prej 13 miliardë dollarësh pasi fituam 3 gjyqe, zbuluam se kreu i divizionit të pesticideve në EPA punonte fshehurazi për kompaninë “Monsanto” dhe e drejtonte atë agjenci për të promovuar ambiciet tregtare të atij biznesi dhe jo interesin publik.

Ai censuronte studimet mbi ndotjen mjedisore, modifikonte studimet të tjera. Nëse e shihni industrinë farmaceutike në vendin tonë, ajo e drejton Administratën e Ushqimit dhe Barnave (FDA). FDA merr 50 për qind të buxhetit të saj nga Big Pharma.

Qendra për Kontrollin dhe Parandalimin e Sëmundjeve (CDC) shpenzon gjysmën e buxhetit të saj për blerjen e vaksinave nga Big Pharma dhe më pas për shpërndarjen e tyre. Dhe Instituti Kombëtar i Shëndetit (NIH), është vetëm një inkubator për produkte të reja farmaceutike.

Ai nuk kryen kërkime se nga vijnë të gjitha këto sëmundje. Studimet që kryhen shkojnë
për zhvillimin e produkteve farmaceutike. Më pas NIH merr fitimin e saj kur kompania farmaceutike i shet ato produkte. Enti rregullatori është në thelb një partner me industrinë që synon të kontrollojë.

Departamenti i Transportit (DOT) drejtohet nga hekurudhat dhe nga linjat ajrore. Bankat e kanë korruptuar tërësisht Komisionin e Letrave me Vlerë (SEC); dhe media ka korruptuar Komisionin Federal të Zgjedhjeve (FEC).

A po pretendoni se ka vërtet korrupsion brenda të gjitha këtyre agjencive qeveritare, apo është më shumë një konflikt interesi?

Janë që të dyja. Ka ryshfet të ligjshëm dhe ryshfet të paligjshëm. Rregullat që rregullojnë konfliktet e interesit jo vetëm që injorohen – ato injorohen sistematikisht. Dhe rregullat filluan të bëhen jo aq të forta për të mbrojtur realisht interesin publik. Ju keni të dyja gjërat që po ndodhin – shartim i ndershëm dhe ryshfet i pandershëm.

Kjo e juaja tingëllon si një kritikë tradicionale e qendrës së majtë. Por tani ju po përshkruheni si i djathtë. A mendoni se po zhduken dallimet e vjetra midis së majtës dhe së djathtës?

Unë e konsideroj veten një liberal tradicional Kennedy. Unë nuk besoj se mbështes ndonjë vlerë të ndryshme nga ajo që përkrahën xhaxhai im John Kennedy apo babai im, Robert Kennedy. Ata kishin antipati dhe dyshime ndaj luftës dhe kompleksit ushtarako-industrial.

Ata nuk donin që korporatat të drejtonin qeverinë amerikane.

Ishin tërësisht kundër censurës. Ata ishin kundër përdorimit të frikës si mjet qeverisës dhe flisnin shpesh për të. Nga ana tjetër mendoj se në SHBA ka një koalicion në forcim i forcave populiste, nga e majta dhe e djathta, që po tubohen tani dhe po e gjejnë gjuhën e përbashkët. Dhe unë mendoj se kjo është ndoshta e vetmja gjë që do të shpëtojë demokracinë amerikane.

Një gjë për të cilën flisni shumë shpesh, është se Amerika është në një gjendje të përhershme lufte dhe ju dëshironi t’i jepni fund kësaj. Si propozoni ta bëni këtë në lidhje me Ukrainën?

Me një marrëveshje për paqe. Rusët kanë ofruar vazhdimisht zgjidhje. Marrëveshjet e Minskut ishin diçka e mirë. Le të jemi të sinqertë:sot po shohim luftë të SHBA-së kundër Rusisë, që po sakrifikon të rinjtë e Ukrianës për ambicien gjeopolitike të neokonservatorëve, që janë deklaruar shpeshherë pro ndryshimit të regjimit të Vladimir Puti.

Nëse do të bëheshit president, do ta trashëgonit situatën kështu siç është. Politika juaj do të ishte e tillë për të thënë se Rusia mund të mbajë territorin që ka pushtuar? Do të akuzoheshit si një kapitullues…

Unë do të thoja: Le të bëjmë atë që është e arsyeshme, atë që shpëton jetë. Unë nuk po e justifikoj pushtimin barbar dhe të paligjshëm të Ukrainës nga Vladimir Putin. Por xhaxhai im thoshte gjithmonë: Nëse doni të arrini paqen, duhet ta vendosni veten në vendin e tjetrit dhe të kuptoni presionet mbi të. Ne duhet t’i kishim dëgjuar ankesat e Rusisë. Ne i premtuam Moskës se nuk do ta zgjeronim NATO-n asnjë centimetër në lindje. Pastaj gënjyem.

Ju flisni shumë për korrupsionin e Amerikës, brenda dhe jashtë vendit. A mendoni se është i arritshëm një version i mirë i Amerikës?

Unë mendoj se po, dhe shumë shpejt madje. Ambicia ime përfundimtare është të rivendos besimin dhe dashurinë për Amerikën dhe krenarinë tek Amerika. Unë mund të rivendos autoritetin tonë moral në mbarë botën dhe të rivendos reputacionin e Amerikës si një komb shembullor, diçka që pjesa tjetër e botës mund ta shikojë si shembull, një shembull që njerëzit do të duan ta kopjojnë dhe jo si kërcënim.

Marrë me shkurtime: Robert Kennedy Jr: Amerika peng i korrupsionit të korporatave të mëdha, ka nevojë për një revolucion

The post Robert Kennedy Jr: Amerika peng i korrupsionit të korporatave të mëdha, ka nevojë për një revolucion appeared first on Albeu.com.

Ai theksoi se opozita dhe shqiptarët do të jenë në këmbë deri në largimin e Edi Ramës dhe qeverisë së tij.

“Jemi në një revolucion demokratik paqësor, por jemi në një revolucion sepse asnjë njeri nuk mund të na thotë ne një rrugë tjetër për përmbysjen e kësaj kufome politike që quhet Edi Rama, i cili ka arritur në një stad që kundërmon në Shqipëri, rajon e mbarë botën.

Ka arritur në një stad që i lejon vetes të bëjë çdo gjë, përbën rrezik real për çdo shqiptar, një stad i cili në vend të vetëarkivohej për ato që ka kryer, përpiqet të mbahet në çdo fije bari për të shtyrë mbijetesën e tij qoftë edhe thjeshtë si kufomë politike.

Ndaj jemi të angazhuar në këtë lëvizje të fuqishme, paqësore që do vijojë deri në përmbysjen e këtij despoti, kryeministri, i cili nuk njeh asnjë ligj e parim kur vjen puna për pushtetin e tij, pasurimin e tij dhe për të goditur kundërshtarët e vlerat e demokracisë.

Ne do jemi në këmbë e do përballemi me të. Do bëjmë gjithçka që ta largojmë nga pushteti.

Edi Rama dhe suita e tij janë një grup pushtetarësh që nëse ju i vëreni me kujdes, rrezatojnë urrejtje ndaj qytetarëve shqiptar në çdo akt e vendim.

Rrezikojnë urrejtjen e hajdutit për viktimën që thonë: Mirë ua bëra.

E thotë KLSH, në 9 muaj Rama e ministrat e  tij kanë vjedhur 122 mld lekë”, ka deklaruar Berisha.

The post Berisha: Revolucioni nuk ndalet, do qendrojmë në këmbë deri në largimin e Edi Ramës appeared first on Albeu.com.

Berisha theksoi se revolucioni vazhon dhe nuk ndalet, dhe se pavarësisht se Rama kërkon dhunë, ai do të rrëzohet nga vota e lirë e shqiptarëve.

“Ne jemi në një revolucion dhe unë prap do të ndalem këtu, kërkoj mirëkuptimin tuaj. Kjo është një fjalë pak si e lartë dhe jo rrallë po më thonë pse po e përdor këtë term.

Unë kam mirëkuptim për ata që më pyesin, por pse e përdor unë? Sepse ne kemi një regjim monist, monist, që ka vendosur sistemin defakto të eliminimit të votës. Ju që të gjithë e njihni procesin elektoral. Por nëse unë kryeministër mobilizoj të gjithë makinerinë shtetërore dhe ti drejton një forcë politike e matesh me mua, unë me një logjistrikë 100-herë më të madhe se tënden, me një buxhet sa buxheti i shtetit, kjo zgjedhjet i bën fiktive se zgjedhjet kanë një kusht themelor; lojtar në kushte të barabarta.

Unë ju dhashë vetëm këtë shembull, por janë të gjitha praktikat e tjera që ky ndjek kundër votës së lirë. Atëherë çfarë na mbetet ne? Na mbetet të kapitullojmë, kurrë, jo. Sepse ne absolutisht do ta largojmë nga pushteti këtë dhe ne nuk do të vijmë kurrë në pushtet përveç se me votën e lirë, por këtij nuk i ndahemi ne, jo.

Ne e kemi bërë njëherë këtë revolucion në vitin 1990-91. Kushtet janë të ndryshme, por ngjashmëritë janë reale. Edhe atëherë fituam, edhe tani do të fitojmë. Do të fitojmë. Do të fitojmë duke persisituar.

Do të fitojmë me mekanizma të mosbindjes civile. Atëherë kishim mekanizma të tjerë të fuqishëm, nuk i kemi sot ato, por prap sot ne do të përdorim të gjitha mundësitë që kemi.

Do të ju them një gjë. Që nga viti 1990, deri më sot këto janë protestat në të cilat forca politike që i organizon ka vetëm një pushtetar, ç’ka do të thotë janë masë e pafundme idealistësh që vijnë aty. Nuk i nxjerr pushteti ato, nuk i nxjerrin qeveritarët vendorë ata. Ata i nxjerr vetja e tyre, idealet e tyre, ju u nxjerrin idealet tuaja. Përkundrazi ju që vini merrni rrisqe për të dalë aty.

Ka një dallim shumë të madh me të gjitha protestat tjera, këto protesta. Pasi dorëzoi bashkinë në vitin 2011, Edi Rama nga 753 protesta që organizoi, nga ajo ditë e pas nuk organizoi dot më asnjë protestë. Për hirë të së vërtetës edhe Lulzim Basha protestën e fundit që bëri, 1 javë që humbi zgjedhjet lokale, ku akoma ishin bashkitë pa u dorëzuar.

Pse e bëj këtë analizë, është frymëzuese kjo. Një ushtri e vërtetë idealistësh, por ne do të ndjekim e them edhe njëherë, revolucion paqësor, me elementë të qartë të mosbindjes civile.

Pse paqësore se ne jemi forcë demokratike, nuk jemi forcë dhune. Nuk lëkundemi ne nga ky pozicion, askush nuk mund të na intimidojë. Ua them unë këtu, kjo është çështje bindje e thellë. Edi Rama është i interesuar për dhunë. Në fakt jo vetëm ai, por edhe të tjerë, por ne jemi forcë politike e cila beson në fuqinë e lëvizjes paqësore, beson në fuqinë e mosbindjes civile”, u shpreh Berisha.

The post “Revolucioni vazhdon …”, Berisha: Rama është i interesuar për dhunë, por ne do ta rrëzojmë me votë appeared first on Albeu.com.

Në një deklaratë për mediet, Berisha thekon se ky regjim mund të përmbyset vetëm me recvolucion.

Berisha: Edi Rama është jo vetëm fatkeqësi kombëtare, por dhe ndërkombëtare. 3 marsi është ditë kushtrimi, më shumë se çdo gjë tjetër, shqiptarët të ngrihen në revolucion. Vetëm me një revolucion do mund të përmbyte ky regjim, që shkelmon votën vjedh buxhetin, nuk njeh normë, moral e ligj e kushtetutë. Ata të cilët besojnë se Shqipëria po rrokulliset, ajo po ecën në një drejtim të shpërbërjes së katastrofës së saj. Ata që e duan këtë vend, duhet të bashkohen në këtë revolucion.

Nuk duhet t’i tremb kjo fjalë, por t’i thërrasin ndërgjegjes së tyre. Aty ku thërret vota, për revolucionin, për të shpëtuar Shqipërinë dhe shqiptarët nuk ka. Ftoj në këtë revolucion, që të vazhdojmë në betejën tonë deri në fitore të tij. Sot është ditë e kujtesës kombëtare. Jam këtu para jush që të përulem me nderimin më të thellë e mirënjohje./Albeu.com/

The post “Shqiptarë ngrihuni në revolucion”, Berisha: 3 marsi ditë kushtrimi appeared first on Albeu.com.

Ai tha para protestuesve se sot shqiptarët të bashkuar nisin revolucionn për rrëzimin e një shteti të kalbur.

“Qytetare dhe qytetarë të pranishëm në këtë cunam popullor të revolucionit demokratik. Shqiptarë kudo që jeni në Shqipëri, Kosovë, Maqedoni, Mal të Zi, Europë, SHBA që keni pritur me adurim këtë ditë, ditën e madhe të siparit të revolucionit demokratik, të përmbysjes së monizmit të dytë në Shqipëri. përshëndetje vëllazërore kudo që ndodheni. Miqtë e mi do ta  jis fjalën ime me një shrehje të të famshmir Oruelll, i cili shkruan se: Është akt revolucioanr të thuash të vërtetën në kohë gënjeshtre. ndaj dhe sot ditën e siparit të revolucionit tonë demokratik për përmbsyejn e monizmit, do themi të vërtetat tona. Pra qëllimi më themelor i këtij revolucioni është të mbrojmë të vërtetat, por jo vetëm t’i mbrojmë, por të bëjmë çdo përpjekje që ato të triumffojmë”, tha Berisha.

/AlbEu.com/

The post Berisha: Sot nisim revolucionin demokratik për rrëzimin e monizmit të dytë appeared first on Albeu.com.

“Revolucionet janë të përjetshme, sa tokësore dhe hyjnore. Kanë ndryshuar histori, kanë bërë historinë. Jam më I vendosur se kurrë për të bërë këtë revolucion dhe triumfi I tyre do kohën e vetë. Nuk po them do rrëmbejmë armët, por do e rrëzojmë me protesta dhe larminë e mosbindjes civile. Nuk ka paqe pa revolucion”, tha Berisha.

Ndër të tjera, kreu demokrat u shpreh se beteja është për votën e lirë, jo për karrige.

“Kjo betejë është për votën e lirë, jo për karrige. Nga shtatori 2021 deri më sot, ajo që ishte parti e votës. Tani u do bëj gjithçka që shqiptarët të votojnë. Edi Rama po përdor makinerinë elektorale në shkelje flagrante themelore ndërkombëtare”, tha kreu demokrat./albeu.com

The post Berisha: Beteja për votën e lirë, jo për karrige appeared first on Albeu.com.

“Revolucioni demokratik hyn në fazën e dytë. Përfundimi me sukses gjer tani dhe shpresoj që dhe të dielën që vjen i atyre balotazheve, shënon kurorëzimin e një procesi, festivali të vërtetë lirie. Nuk them të përsosur. Në PD e ka nxjerr këtë parti shumë herë më të fortë, ndaj kam mirënjohje të pakufishëm ndaj organizatorëve, konkurrenteve, komisionerëve, që dhuruan këtë proces. Tani qëllimi ynë është siç votuam brenda partisë, të votojnë dhe shqiptarët. Ne duam që shqiptarët të votojnë.

Nuk mund të kemi iluzion se me një kryeministër që në përputhje të aktit 3 të organizatës së kombeve të bashkuara po kryen gjenocid kundër shqiptarëve për shpërbërjen e tyre. Nuk kemi iluzion se do të kemi votë të lirë. Konstatoj me kënaqësi këtë të shqiptarët. Do vazhdojmë me revolucionin tonë për të shpëtuar Shqipërinë nga ky pushtim i brendshëm, ndoshta dhe më barbar se pushtimet e jashtme. Motoja do jetë ajo, do bindim çdo shqiptar se nëse nuk i dalin zot votës së tyre nuk kanë kurrë të ardhme. Të mos presin nga askush.

E marr këtë shembull për të theksuar se çfarë situatë është sot, por kam besim të madh se një kalbësirë si kjo nuk do mund të zgjasë dhe do bëjmë gjithçka për t’i shkurtuar jetën kësaj kalbësire. Jemi për të gjitha format dhe të mosbindjes civile.”, tha Berisha.

The post Cila do të jetë lëvizja e radhës nga opozita? Berisha: Protesta deri në mosbindje civile appeared first on Albeu.com.

Deri në vitet 1940, transfuzionet e gjakut shpesh nuk kryheshin në mënyrën e duhur, sepse disa nga sistemet kryesore të grupeve të gjakut, si faktori Rhesus, nuk ishin zbuluar ende.

Po kjo qasje që i ka “shpëtuar” mjekësisë për përputhjen e donatorëve me marrësit tani i përket së kaluarës, pasi testet për të gjitha llojet e karakteristikave të gjakut të një individi janë bërë të disponueshme gjerësisht.

Por gjetja e një donatori të përshtatshëm mund të jetë ende e vështirë.

Disa pacientë kanë grupe të rrallë gjaku sa vetëm një pjesë e vogël e donatorëve mund të jetë të përshtatshëm në vendin ku ata jetojnë.

Më 7 nëntor, një konsorcium studiuesish në disa institucione britanike, i koordinuar nga nhs Blood and Transplant, një autoritet shtetëror shëndetësor dhe Universiteti i Bristol, njoftuan një hap drejt zgjidhjes së këtij problemi.

Ata kanë transfuzuar me sukses në dy vullnetarë të shëndetshëm qelizat e kuqe të gjakut të rritura nga qelizat e dhuruara nga të tjerët. Deri më tani, qelizat e tilla të kuqe  u jepeshin vetëm atyre, burimi i të cilëve ishin qelizat staminale.

Megjithatë, qelizat e përdorura për këtë eksperiment u morën nga gjaku i dhuruar nëpërmjet transfuzionit. Studiuesit vendosën në gjakun e dhuruar disa rruaza magnetike të “armatosura” me proteina që ngjiten në mënyrë specifike me qelizat në fjalë, duke i lidhur ato edhe më shumë me rruazat.

Kështu, qelizat staminale  u rritën dhe u shumëzuan për 18 deri në 21 ditë, gjë që shërbeu për t’i kthyer ato në versione të reja të qelizave të kuqe të gjakut të njohura si retikulocitet.

Pas transfuzionit, retikulocitet zhvillohen shumë shpejt në qeliza të vërteta.

Kjo qasje do të rriste vlerën e grupeve të gjakut të rrallë. Për më tepër, duke qenë të sapo krijuara, qelizat e kuqe të gjakut të prodhuara në laborator pritet të zgjasin më shumë në trupin e marrësit sesa ato nga një transfuzion normal.

Hapi tjetër është të dimë se për sa kohë rezistojnë qelizat e prodhuara. Për këtë qëllim, ata janë etiketuar me një ngjyrë të veçantë që përdoret zakonisht në mjekësi për të gjurmuar elementë rreth trupit.

Nëse vërtet rezistojnë më shumë se qelizat e dhurimit konvencional, siç shpresojnë studiuesit dhe studimet paraklinike se do të ndodhë, atëherë marrësit nuk do të kenë nevojë për transfuzione kaq të shpeshta.

Kjo do të jetë një ndihmë shumë e madhe dhe pozitive.

Për momentin, pacientët me sëmundje të gjakut si sëmundja e qelizave të draprit dhe talasemia mund të kenë nevojë për transfuzion çdo katër deri në gjashtë javë. Si pasojë, disa do të kenë më shumë hekur mbi normalen, gjë që shkakton komplikime të rënda.

Disa të tjerë mund të krijojnë më shumë antitrupa kundër shumë grupeve të gjakut, gjë që e bën më të vështirë gjetjen e një dhuruesi që të përputhet. Nëse gjithçka shkon siç duhet, prova do të zgjasë duke përfshirë të paktën dhjetëra vullnetarë të shëndetshëm.

Por ky është vetëm fillimi.

Do të nevojiten teste më të mëdha, duke përfshirë teste për pacientët aktualë, përpara se kjo qasje e re të vihet në praktikë. Kjo do të marrë kohë, sepse zakonisht duhen nga pesë deri në 15 vite për një trajtim të ri mjekësor.

Edhe atëherë, teknika ndoshta do të ruhet për disa persona të veçantë – ata që kanë grupe jashtëzakonisht të rralla gjaku janë në krye të radhës. Nëse nuk ndodh ndonjë përparim i paparashikuar, krijimi i qelizave do të jetë tashmë një sfidë.

Prodhimi i një grupi retikulocitesh kërkon 24 litra tretësirë ​​për të prodhuar një ose dy lugë gjelle produkt. Kostoja ende nuk dihet, por ndoshta do të jetë shumë më tepër se 145 paund që kushton aktualisht sa një transfuzion i gjakut në Britani.

Por tani për tani, dhuruesit e gjakut do të vazhdojnë të jenë të mirëpritur.

/albeu.com

The post Revolucioni në mjekësi, shikoni çfarë mund të bëjë shkenca me gjakun tonë appeared first on Albeu.com.