Këshilli Bashkiak i Klosit, vijoi në Njësinë Administrative Gurrë ciklin e dëgjesave për të mbledhur mendimet e banorëve mbi reformën administrative-territoriale.
Gjatë diskutimeve, qytetarët shfaqën qëndrime të ndryshme për mundësinë e bashkimit të Bashkisë Klos me Bashkinë Mat.
Të lidhura
None found
Disa prej banorëve që folën në takim mbështetën realizimin e reformës dhe kalimin e Klosit nën Mat, duke e argumentuar këtë qëndrim me pakënaqësitë ndaj shërbimeve të ofruara nga Bashkia Klos.
Ndërkohë, shumë pjesëmarrës të tjerë dolën kundër shkrirjes së bashkisë.
Sipas tyre, një bashkim i tillë do t’i largonte edhe më tepër shërbimet nga qytetarët. Ata sollën në vëmendje gjithashtu, investimet e kryera së fundmi, përfshirë asfaltimin e rrugëve.
Përpara se të vendosë mbi këtë çështje, Këshilli Bashkiak i Klosit, do ta zhvillojë dëgjesën e ardhshme në Njësinë Administrative Suç.
