Udhëheqësi 46-vjeçar i Çeçenisë, Ramzan Kadyrov, dyshohet se varrosi të gjallë nënkryetarin e qeverisë së tij, Elkhan Suleimanov, siç raportohet nga rrjeti i kanalit të komunikimit rus Telegram “VChK-OGPU” duke cituar burime të njohura me rastin.
Suleimanov është zhdukur prej muajsh dhe ka qenë mjeku personal i Kadyrov.
Kohët e fundit kishte zëra se shëndeti i liderit çeçen nuk ishte i mirë dhe siç raporton gazeta gjermane “Bild” Elhan ishte mjeku personal i aleatit të ngushtë të presidentit rus Vladimir Putin.
Ka pasur shumë spekulime për shëndetin e Kadyrov, veçanërisht në fillim të vitit me foto dhe video që qarkulluan në rrjetet sociale.
Udhëheqësi çeçen dukej shumë i fryrë dhe shpesh nuk mund t’i mbante sytë hapur. Shumë më pas folën për një problem të mundshëm të veshkave. A ishte Kadyrov viktimë e helmimit?
Aleati i vendosur i Putinit mendoi se ai ishte helmuar dhe bashkëpunëtorët e tij ranë dakord, raportoi platforma Telegram. Mjeku i tij personal i kishte bërë injeksione dhe Kadyrov besonte se ishte sëmurë prej tyre.
Sulejmanovi u largua nga posti i zëvendëspresidentit brenda natës, në tetor të vitit 2022.
Natyrisht, ai kishte deklaruar publikisht se po jepte dorëheqjen me dëshirën e tij.
Që atëherë ai nuk është parë më në publik.
“Natyrisht sepse ai u varros i gjallë”, komenton botimi gjerman.
Në Dubai, metropolin e shkretëtirës, Kadyrov është trajtuar vazhdimisht për helmim, shkruan “Telegram”.
Edhe pse deri më tani nuk ka asnjë konfirmim të këtyre pretendimeve, është fakt se Kadyrov i trajton armiqtë e tij në mënyrë brutale dhe mburret me torturat dhe vrasjet e homoseksualëve në vendin e tij.
