Kryeministri Edi Rama ndodhet edhe sot në Vlorë ku po inspekton nga afër punimet që po kryehen atje.
Rama është parë sot në zonën e Skelës dhe ajo që bien në sy është se atë nuk e shoqëron kryebashkiaku Dritan Leli, por nënkryetari Afrim Qëndro dhe deputeti Damian Gjiknuri.
Kujtojmë se marrëdhëniet e PS dhe Ramës me Lelin u ftohën në mars të këtij viti, kur ky i fundit nuk pranoi të hiqte dorë nga posti i kryebashkiakut për të kandiduar si deputet në Vlorë.
Gjithashtu Leli kohët e fundit ka pasur përplasje dhe me Këshillin Bashkiak, dhe akoma nuk është realizuar një mbledhje e kërkuar nga këta të fundit. Shkak është bërë mosrënia darkord nga të dyja palët për mënyrën e zhvillimit të mbledhjes jashtë rendit, ku Leli e kërkon online ndërsa këshilltarët duan takim fizik./albeu.com
