Gjendja e aksit Qafë Buall-Krastë është përkeqësuar pas pezullimit të asfaltimit nga kompanitë “BE-IS” sh.p.k, “ERGI” sh.p.k dhe “VËLLEZËRIT HYSA”, të cilat kërkuan rritjen e fondeve.
Në trasenë e re, të përgatitur për asfaltim, janë hapur gropa që pengojnë lëvizjen e automjeteve. Drejtuesit e mjeteve thonë se prej të paktën 3 muajsh në këtë rrugë nuk kanë parë as makineri pune dhe as punonjës që të kryejnë shërbime të tjera.
Të lidhura
None found
Autoriteti Rrugor Shqiptar e ka miratuar projektin për ndërtimin e aksit Qafë Buall-Krastë me një vlerë të përgjithshme prej 11 milionë eurosh. Rikonstruksioni filloi dy vite më parë, ndërsa sipas projektit duhej të përfundonte në prill të vitit 2025.
